Sosial mənzillərin elektron qeydiyyatının başlanmasına 10 gün qalıb. Bir çox insanın banklarda krediti olduğuna görə bu şəxslərin sosial mənzil üçün müraciət edib-edə bilməməsi məsələsi gündəmdədir. Modern.az “Xəzər xəbər”ə istinadən xəbər verir ki, iqtisadçılar bu məsələdə əsas məqamın kreditin məbləği olduğunu düşünür.
Vüqar Bayramov deyir ki, kredit ödənişlərinin vaxtlı-vaxtında edilməsi və şəxsin kredit tarixçəsinin normal vəziyyətdə olması vacibdir.
Digər məqam sosial ev almaq hüququ olan şəxslərin ailə üzvlərinin maaşlarının ümumi məbləğə hesablanıb-hesablanmamasıdır. Gənc ailənin üzvlərindən birinin maaşı 300, digərininki 600 manatdırsa, onda həmin ailənin birlikdə 900 manat götürüləcək. Bu isə sosial mənzil almaq istəyən, lakin yüksək maaş almayanlar üçün fürsət deməkdir.
Modern.az
