PKK terror təşkilatı 12 türk hərbçisinin ölümünə görə məsuliyyəti üzərinə götürüb. Modern.az Rusiya mediasına istinadən xəbər verir ki, Bitlis əyalətində 12 türk hərbçisinin ölümü ilə nəticələnən son iki hücumu PKK-nın hərbi qolu olan HPG qruplaşması törədib.
Məlumata görə, aprelin 25-də HPG terror qruplaşmasının qadınlardan ibarət “YJA-Star” dəstəsi Şeyx Kuma rayonunda yerləşən hərbi hissəni qumbaraatanlardan atəşə tutub. Nəticədə, 10 hərbçi həlak olub.
Aprelin 26-da HPG terrorçuları Hizan rayonunda hərbçiləri atəşə tutublar. Nəticədə iki hərbçi həlak olub.
Modern.az