Rusiya və Çin kəşfiyyatları 2017-ci ildə ABŞ üçün əsas təhlükə olacaq. Modern.az xarici KİV-ə istinadən xəbər verir ki, bu haqda ABŞ Milli Kəşfiyyat İdarəsinin direktoru Daniyel Koutsun Konqresə təqdim etdiyi məruzədə bildirilib.
Daniyel Kouts qeyd edib ki, ümumiyyətlə 2017-ci ildə ABŞ xarici kəşfiyyatlar tərəfindən təhlükə ilə rastlaşacaq.
“Biz hesab edirik ki, onların imkanlarına, niyyətlərinə, fəaliyyətinin miqyasına görə əsas təhlükə əvvəlki kimi Rusiya və Çindən gələcək”-deyə əlavə edib.
O xəbərdarlıq edib ki, Cənub və Şərqi Asiya ölkələrinin, həmçinin Latın Amerikası dövlətlərinin kəşfiyyatları da regional miqyasda təhlükə yaradacaqlar.
Aqşin Kərimov