28 may 2017, Bazar
Ana Səhifə - REPORTAJ - Məhsul bol, qiymət baha - satan da narazı, alan da... - Bazardan REPORTAJ
Məhsul bol, qiymət baha - satan da narazı, alan da... - Bazardan REPORTAJ
12.05.2017, 11:54

Havalar istiləşdikcə bir-birindən ləziz və dadlı meyvə- tərəvəzlər yetişir və ilboyu istifadə olunan məhsullar yenisiylə əvəzlənir.  Bazara yeni məhsullar gəlsə də, bəzən qiymətinə görə onlar əlçatmaz olur. Mövsümün meyvələri arasında isə üstünlüyü hələ ki alça və çiyələk təşkil edir. 

Modern.az-ın əməkdaşı “Yaşıl Bazar”a gedərək, bazarda ümumi vəziyyət və üzü yaya doğru qiymətlərin durumu barədə satıcılarla söhbətləşib.

Satdığı məhsulları Qubadan gətirən Gülbəsti xala qiymətlərin əvvəlki illərə nisbətən bahalaşdığını söyləyib:  

“1 manat 40 qəpiyə aldığımız  məhsulu 1.50 manata  satırıq. Alça təzə yetişir deyə, bahadır. Alçanı 4 manata almışam 5 manata satıram. Kök isə Tovuzdan gətirilib. Kökü 1 manata alıram,  1.30-a satıram. Gül kələmi isə 1 manatdır”.

Rayona məhsul gətirmək  üçün iki dəfə getdiyini  deyən satıcı bayramlarda qiymət artımının olduğunu, bunun səbəbini isə bilmədiyini söyləyir.

Buradan ayrılıb başlıyırıq qiymətləri müşahidə etməyə. Mövsüm meyvələrindən çiyələk və alçanın qiyməti Gülbəsti xalanın dediyi kimi, “od tutub yanır”.  Alçanın qiyməti  4 manatdır.  Çiyələyi isə  2 - 2.50 manata satırlar. Cəlilabadın “türk sortu” olan çiyələyin qiyməti isə 5 manatadır.
   

Məhsullarını əsasən Gədəbəydən gətirən satıcılardan biri əsas problemin qıtlıq olduğunu deyir:

“Köhnə kartof qurtarır, yenisi çıxır deyə, bir az qıtlıqdır. Həm də yeni məhsullar hələ ki istixana məhsuludur. Aldığımız kartofun da qiyməti yerində baha olduğu üçün müəyyən çətinliklərlə üzləşirik. Gədəbəy kartofunu 1.50 və 1.20 manat, Şəmkir kartofunu isə 1.60-1.80 manata satırıq.


Müsahibimiz qışla müqayisədə hazırki məhsulların qiymətində 20-30 qəpik fərq olduğunu deyir. Alıcıların isə əsasən qiymətdən şikayətlənməsi barədə danışarkən o, gələn ayın axrına qədər  ucuzlaşma ehtimalının olduğunu söyləyir.

Növbəti həmsöhbətimiz isə çiyələk satışı ilə məşğul olur. Satdığı məhsulu Cəlilabaddan gətirən satıcı da qıtlığın olduğunu deyir:

“Çiyələyin qiyməti keçən illə müqayisədə 30-40 qəpik dəyişib.  Bu il soyuqla əlaqədar olaraq çiyələk gec yetişib. Keçən il 20 gün əvvəl yetişmişdi, bu il 1 ay gec yetişib. Çiyələk  təzə yetişir deyə, qiymətlər bahadır,  yay fəslinə doğru qiymətlərdə enmə olacaq. Yəqin ki, Ramazan bayramına qədər qiymət normallaşacaq”.

 O, bazarda müştəri sayının azalmasından, alverin zəif  olmasından şikayətləndi.

Məhsulu Ağdaş və Bərdə rayonlarından gətirən başqa bir satıcı isə tam olmasa da, istədikləri satışın baş tutduğunu söyləyir:

“Qiymətlər normaldı, pis deyil. Kələmdən tutmuş gül kələmə qədər bir çox məhsul satırıq. Hələ ki elə bir çətinliyimiz yoxdur.  Gül kələmi 60-80 qəpik, kök 1-1.20  manat arası qiymətlərədir.  Xiyarın qiyməti isə 1 manatdır. Tənək yarpağı hələ təzə yetişir deyə bahadır. Tənək yarpağı 2-2.50 manat arasında dəyişir. Qırmızı kələm isə 2 manatdır”.
 

10 ilə yaxındır bazarda alma satışı ilə məşğul olan satıcılardan biri isə müştəri sayının normal olduğunu və onların daim alış-verişdən razı qaldıqlarını deyir:


“Almanı Qubadan gətiririk. Mayın 20-nə kimi payız almasının sezonu bitir, iyulun 10-dan sonra isə bazara yay almaları gəlir. Onların sezonu avqusta qədər olur. Qiymətləri stabil olur, çox da baha olmur. Ən çox satılan payız almaları isə cırhacı, simerenka, fuje, palmetdir”.

“Çiyələyin dadından şikayətlənirlər”

“Çiyələyi Cəlilabaddan  2.50-yə alırıq, 3.00 manata satırıq. Çiyələyin sezonu sentyabra qədər davam edir. Göycəni isə Göyçaydan gətiririk. Keçən il alçanın qiyməti 6-7 manat arası idi, bu il ucuzlaşıb” - bu sözləri mövsümün əsas meyvələrinin bir satıcısı söylədi.

 Müsahibimiz qeyd edir ki, hər hansı bir çətinliklə üzləşməsələr də, alıcılar əsasən çiyələyin dadından şikayətlənirlər:

“Mən 2-3 gündür ki, bura gəlmişəm, elə bir şikayət olmasa da, alıcılar çiyələyin dadından narazıdırlar. Deyirlər ki, 2-3 il qabaq çiyələk başqa cür dadırdı,  indi isə su kimi dadır”.


Göyərti satışıyla məşğul olan başqa bir satıcının sözlərinə görə, qiymətlərdən şikayət yoxdur.  Göyərtilər əsasən Bakı, Gəncə, Şəmkir, Bərdə rayonlarından gətirilir. Ən çox satılan göyərtilər isə tərxun, soğan, keşniş, şüyüddür.

Göy-göyərti satan digər satıcının sözlərinə görə isə vəziyyət ürəkaçan deyil:

“Alıcılar malların ucuz olmasını istəyir. Vəziyyət keçən ilki ilə eynidir, hətta mənfiyə doğru irəliləmə var, camaat məhsul almır. Bəlkə də böyük marketlər var deyə, oradan alış-veriş edirlər”.

O qeyd edir ki, əsas qarşılaşdığı çətinlik satışın zəifləməsidir:

“Göyərtinin 7 dəstəsi 1 manatdır. Ayrılıqda  isə 15 qəpiyə satılır. Ən çox satılan göyərtilər isə keşniş, şüyüd və soğandır. Göyərtiləri əsasən Bakı və Gəncədən alıram. Hər aldığım məhsulun qiymətini cəmi 1-2 qəpik artıraraq 12 qəpiyə aldığımızı 13 qəpiyə satırıq. Bayram günlərində isə qiymətlər artırılır. Məcburən biz də  16-17 qəpiyə alırıq, 20 qəpiyə satırıq. Ümumilikdə isə gündəlik alverimiz fərqli olur. Bir gün 20, o bri gün isə 70 manatlıq satış  olur”.

Digər bəzi müsahibimiz yerpulunun bahalığından və alıcıların azlığından şikayətləndilər:

 
“Qiymətlər ucuzdur, yerpulu isı baha. Alan da yoxdur. Yumurtanı  11 qəpiyə alıb 12 qəpiyə satıram.    

Ərəblər gələndə satış daha yaxşı olur. Onlar əsasən, sumaq, kəkotu və yumurta alır”.

 

Bazarda quru meyvələrin qiymətilə də maraqlanırıq. Şabalıd 10 manata, alma qaxı 5 manata, badam 7 manata satılırdı. Satıcılar yay aylarında şabaladın qiymətinin qalxmasını Ramazan  bayramı ilə deyil, fəsillə bağlı olduğunu dedilər.


Nəcəf Ruslanoğlu


Şərh yaz

Bu kateqoriyadan olan xəbərlər
SON XƏBƏR
28.05.2017, 14:25

Rusiyadan Türkiyə uçan təyyarə təcili eniş edib

28.05.2017, 14:15

65 yaşlı kişi bulvarda intihara cəhd etdi- AİLƏ PROBLEMİ

28.05.2017, 13:58

İraqda terrorçu-kamikadze özünü partlatdı: 4 ölü, 13 yaralı

28.05.2017, 13:28

Şri-Lankada təbii fəlakət 146 nəfərin həyatına qoyub

28.05.2017, 13:21

Avronest PA-nın iclasında Ukrayna, Gürcüstan və Moldova nümayəndə heyəti ermənilərə  basqı nümayiş  etdirdilər

28.05.2017, 12:49

Azərbaycan Xalq Cümhuriyyəti - Şərqdə ilk demokratik parlamentli respublika

28.05.2017, 12:12

Ölkələr üzrə ən çox satılan avtomobil modelləri – SİYAHI

28.05.2017, 12:06

NATO PA-nın komitə iclasında Dağlıq Qarabağ münaqişəsinə münasibət bildirilib

28.05.2017, 11:58

"Ermənilər işğal etdikləri ərazilərdəki qədim Azərbaycan abidələrini məhv edir"

28.05.2017, 11:47

Sabahın hava PROQNOZU

28.05.2017, 11:34

Azərbaycanda uşaq verilişlərinin reklamla kəsilməsi qadağan edilir

28.05.2017, 11:07

İŞİD Misirdə törədilmiş terror aktına görə məsuliyyəti üzərinə götürüb

28.05.2017, 10:37

Şəmkirdə yaşayış evində partlayış, xəsarət alan var

28.05.2017, 10:27

28 May İstiqlalı nədən yarandı - Cümhuriyyət qurucularının şəxsi xarakteri

28.05.2017, 10:18

Azərbaycanda üzünü dəyişdirənlər var? – Həkim, deputat və kriminalist DANIŞIR   

28.05.2017, 10:16

Türkiyədə 10 PKK terrorçusu məhv edilib

28.05.2017, 10:02

Cəsur qəlblərin azadlıq paytaxtı  

28.05.2017, 10:00

Flippində silahlılar 19 nəfəri öldürüb

28.05.2017, 09:46

Düşmən atəşkəsi 120 dəfə pozub

28.05.2017, 09:32

İftar süfrəsinin bəzəyi olan xurmanın MÖCÜZƏVİ FAYDALARI 

28.05.2017, 09:28

Bir şəklin tarixçəsi: Rəsulzadənin raportu və Osmanlı sultanının sözündə durmağı...

28.05.2017, 00:43

Daşqınlarda ölənlərin sayı artır: 122 ölü, 97 itkin

28.05.2017, 00:27

Taksi sürücüsü fırıldaqçının qurbanı oldu - VİDEO

28.05.2017, 00:16

Masallıda dava zamanı ölən məktəblinin adı bilindi - Yenilənib

28.05.2017, 00:01

Azərbaycan Xalq Cümhuriyyəti: Şərqin ilk demokratik dövləti 100 yaşına qədəm qoydu

27.05.2017, 23:25

Füzuli meydanı ətrafında yol dairəsi ləğv edilib

27.05.2017, 23:08

Respublika Günü Milli Aviasiya Akademiyası və ADA Universitetində qeyd edildi - FOTOLAR

27.05.2017, 22:57

Rusiya təyyarələri Britaniya səmasında

27.05.2017, 22:40

Rusiyanın ən yaşlı aktrisası vəfat edib

27.05.2017, 22:24

Londonda terror təhlükəsi ...

27.05.2017, 22:10

Spirtli içki içən fəhlə yıxılıb öldü

27.05.2017, 21:54

Bərdədə güclü dolu: meyvə ağacları, taxıl zəmilərinə ziyan dəydi

27.05.2017, 21:38

NATO toplantısı Azərbaycanın təklifini qəbul etdi

27.05.2017, 21:24

Mingəçevirdə oğul anasını qətlə yetirdi

27.05.2017, 21:08

Türkiyədə güclü zəlzələ olub

ARXİV