Bakı-2017 IV İslam Həmrəyliyi Oyunlarında Azərbaycan daha bir medal qazanıb.
Modern.az-ın məlumatına görə, azərbaycanlı idmançı Şəfəq Əmrahova qadınların stend atıcılığı yarışında gümüş medala sahib çıxıb.
Türkiyəli Nihan Gürer 1-ci, qətərli Xulud Hassan əl-Xələf isə 3-cü yeri tutub.
Xatırladaq ki, bundan əvvəl kişilərin 25 metr məsafədən tapança ilə mərkəzə atəş açma yarışında təmsilçimiz Ruslan Lunyov qızıl medal qazanıb.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
Mirmahmud KAZIMOĞLU
