Əfqanıstanda silahlılar dövlət televiziyasının binasına hücum edib. Modern.az xarici mediaya istinadən xəbər verir ki, hadisə Cəlalabad şəhərində qeydə alınıb. Məlumata görə, hadisə nəticəsində 4-ü televiziya əməkdaşı olmaqla 6 nəfər ölüb. Hadisə zamanı daha 18 dinc sakin yaralanıb.
Hadisə yerinə cəlb edilən Əfqanıstan təhlükəsizlik qüvvələri dörd saatlıq döyüşdən sonra silahlıları zərərsizləşdirib. Məlumata əsasən, hücumu həyata keçirən üç nəfərdən 2-si öldürülüb, daha 1-i yaxalanıb. Hücuma görə məsuliyyəti İŞİD terror qruplaşması öz üzərinə götürüb.
Modern.az