Dövlət Təhlükəsizliyi Xidmətinin (DTX) rəisi general-leytenant Mədət Quliyev jurnalistlərə açıqlamasında IV İslam Həmrəyliyi Oyunlarının Azərbaycanda keçirilməsindən danışıb.
Modern.az xəbər verir ki, DTX rəisi bildirib ki, IV İslam Həmrəyliyi Oyunlarının Azərbaycanda keçirilməsi ölkəmiz üçün bir qələbədir.
M.Quliyevin sözlərinə görə, Azərbaycan belə tədbirlərlə dünyada tanınır, dünya üçün bir nümunə göstərir. O, ölkədəki təhlükəsizlik məsələsinə də toxunub:
“Bu gün Azərbaycana turist axını var. Turistlər hər hansı bir narahatlıq olan, təhlükəsizliyi qorunmayan ölkəyə gələrlərmi? Təbii ki, gəlməzlər. Bu gün Azərbaycanda əmin-amanlıqdır və ona görə də turistlər ölkəmizə gəlir”.
Mirmahmud KAZIMOĞLU