Bu gün Azərbaycan Milli Elmlər Akademiyası (AMEA) Rəyasət Heyətinin iclası keçirilib.
Modern.az xəbər verir ki, iclasda AMEA-nın yeni seçilmiş 16 həqiqi və 25 müxbir üzvünə diplomlar təqdim olunub.
Mərasim AMEA-nın prezidenti Akif Əlizadə çıxış edib.
İclasda ən maraqlı məqam keçmiş rabitə və yüksək texnologiyalar naziri Əli Abbasovla bağlı məlumatın açıqlanması olub. Bildirilib ki, Əli Abbasov AMEA-nın müşaviri təyin olunub.
Xatırladaq ki, Əli Abbasov 2004–2015-ci illərdə rabitə və yüksək texnologiyaları naziri vəzifəsində çalışıb. Prezidentin 12 noyabr 2015-ci il tarixli sərəncamı ilə tutduğu vəzifəsindən azad edilib. Əli Abbasov keçmiş Rabitə və Yüksək Texnologiyalar Nazirliyində üzə çıxan irimiqyaslı korrupsiya və mənimsəmə faktlarından sonra vəzifədən kənarlaşdırıldı.
Hazırda məhkəmədə həmin korrupsiya işi araşdırılır.
Mirmahmud KAZIMOĞLU
