27 iyun 2017, Çərşənbə
Ana Səhifə - ƏDƏBİYYAT - Azərbaycan cümhuriyyətçilərinin varisləri - Onlar harada yaşayırlar... - I YAZI
Azərbaycan cümhuriyyətçilərinin varisləri - Onlar harada yaşayırlar... - I YAZI
25.05.2017, 11:38

Bir neçə gündən sonra tariximizin ən şərəfli səhifələrindən biri olan Azərbaycan Xalq Cümhuriyyətinin (AXC) yaranmasının 99-cu ildönümünü qeyd edəcəyik. Gələn il isə Cümhuriyyətin 100 illik yubileyi rəsmi şəkildə qeyd olunacaq. Ölkə başçısı bununla bağlı artıq  sərəncam verib.

Cəmi 23 ay mövcud olmuş Azərbaycan Xalq Cümhuriyyəti Şərqin ilk demokratik müsəlman respublikası kimi tarixə düşüb. Azərbaycanda dövlətçilik ənənəsinin bərpası üçün çətinliklərə baxmayaraq, yoxdan bir bayraq var edən Cümhuriyyət qəhrəmanlarının, liderlərinin xidməti danılmazdır. Bu gün də həmin liderlərin nişanələri, varisləri az da olsa, yaşamaqdadırlar. Məhəmməd Əmin Rəsulzadə, Nəsib bəy Yusifbəyli, Əli bəy Hüseynzadə, Nağı bəy Şeyxzamanov, Əhməd bəy Pepinov, Ceyhun Hacıbəyli və digər AXC qəhrəmanlarının varisləri indi dünyanın ayrı-ayrı ölkələrində ömür sürürlər.

 

Cümhuriyyət dövrünün araşdırmaçısı, tarixçi alimNəsiman Yaqublu Modern.az saytı ilə söhbətində özünün şəxsən görüşdüyü, təmasda olduğu və ataları barədə lazımı sənədlər aldığı cümhuriyyətçi varislərin adlarını çəkib:

“Özüm şəxsən Nəsib bəy Yusifbəylinin qızı Zəhra xanımla İstanbulda görüşmüşdüm. Evlərində də olmuşam. Rəsulzadənin oğlu Azər bəylə Qazaxısıtanda, Karakandada görüşmüşəm. Təəssüf ki, onların heç biri indi həyatda yoxdu. Əlimərdan bəy Topçubaşun nəvəsi Zərifə Kürdəmirlə də təmasımız olub. Fətəli xan Xoyskinin qızı var idi, Tamara xanım, Əlyazmalar İnstitutunun qarşısındakı binada yaşayırdı. Onunla görüşəndə 87 yaşı var idi, 10 il də həbsxanada olmuşdu.

Həsən bəy Ağayevin nəvəsi, Əhməd bəy Pepinovun qızı Sevda Pepinova ilə görüşmüşdüm. O, həm də bizim böyük gülüş ustası olan Lütfəli Abdullayevin həyat yoldaşı olub. Onlardan ataları ilə bağlı çox vacib sənədlər, faktlar toplamışıq”.


Araşdırmaçı alim cümhuriyyətçilərin hazırda həyatda olan varislərindən də danışıb:

“Əksəriyyətinin hazırda nəvə-nəticələri və uzaq qohumları yaşayırlar. Övladları sağ olan AXC liderləri demək olar ki, yoxdu. Nağı bəy Şeyxzamanlı, Ceyhun Hacıbəyli, Əhməd bəy Ağaoğlu, Şəfi bəy Rüstəmbəyli, Əlimərdan bəy Topçubaşov, Nəsib bəy Yusifbəyli, Əhməd Cavad, Yusif Vəzir Çəmənzəminli, Həsən bəy Ağayev, Əhməd bəy Pepinov kimi AXC liderlərinin hazırda nəvələri həyatdadırlar”.


Mətbuat tarixinin araşdırıcısı, “Şərq” qəzetinin başı redaktoru Akiş Aşırlı da mövzuya münasibət bildirərkən, Cümhuriyyət qəhrəmanlarından bir neçəsinin övladının həyatda olduğunu bildirib. Çoxlarının varisləri isə nəvə-nəticə, bəzilərində isə uzaq qohumlarıdır:


“Nəsib bəy Yusifbəylinin nəvəsi Şaiqə xanımıla əlaqəmiz var. Amma təəssüf ki, Nəsib bəy Yusifbəylinin adını daşıyan nəvəsi, Şaiqə xanımın qardaşı Nəsib dünyasını dəyişdi. Mənim o ailə ilə gözəl münasibətim var. Əhməd bəy Ağaoğunun nəvəsi Təkdaş Ağaoğlu Türkiyədə yaşayır, orada məşhur şəxslərdən biridir. Əhməd bəyin qızı Təzə Ağaoğlunun övladları var. Onlar da Almaniyada yaşayır. Ömər Faiq Nemanzadənin qızı bu yaxınlarda dünyasını dəyişdi”.

Cümhuriyyət qəhrəmanlarının varisləri haqqında bəzi əlavələrimizi də qeyd edək. Təbii ki, öncə Məhəmməd Əmin Rəsulzadədən başlamaq lazımdır. Rəsulzadənin yalnız bir nəvəsi - əməkdar rəssam Rəis Rəsulzadə həyatdadır. O, babasının irsini, fəaliyyətini hər zaman öyrənməyə, qorumağa can atır. Siyasi RepressiyaQurbanları Assosiasiyasının sədridir. Rəsulzadənin cəmi 2 yaşında tərk etməli olduğu sonbeşik övladı Azərin oğludur.


Əli bəy Hüseynzadə
Cümhuriyyət dönəmində heç bir vəzifə sahibi olmasa da (Türkiyədə yaşayırdı) ideologiya baxımından onlara yaxın olub və dəstəyini əsirgəməyib. Üçrəngli Azərbaycan bayrağının da ideya müəllifi odur. Onun kiçik qızı Feyzavər xanım hazırda İstanbulda yaşayır. Yaşı 90-ı ötsə də, bu gün də atası Əli bəyin və qardaşı Səlim Turanın irsini mühafizə edir.

Əlimərdan bəy Topçubaşovun  nəvəsi Gülnarə Kürdəmir da hazırda İstanbulda yaşayır. 93 yaşı var. Qeyd edək ki, o, həm də böyük maarifçi Həsən bəy Zərdabinin nəticəsidir.

Almas İldırımın oğlu Azər Almas hazırda Türkiyənin İzmir şəhərində yaşayır. Onun iki oğlu var. Böyük oğlu İldırım Rutil Almas Bakıdakı xarici neft şirkətlərindən birində çalışır. İkinci oğlu Səlcuk Almas isə Türkiyədədir. Dərman satışı ilə bağlı şirkət qurub. 

Versal Sülh Konfransındakı nümayəndə heyətinin üzvü Ceyhun Hacıbəylinin nəvə-nəticəsi hazırda Fransada yaşayır. 

AXC hökumətinin Türkiyə və Ukraynadakı səfiri olmuş yazıçı Yusif Vəzir Çəmənzəminlinin iki nəvəsi var. Leyla Vəzirova hazırda Azərbaycan Dövlət Pedaqoji İnstitutunda kafedra müdiridir. Leyla xanımın qardaşı Yusif Vəzirov isə diplomat kimi fəaliyyət göstərir.


Xudadat Bəy Rəfibəylinin oğlu Kamil Aran Türkiyədə yaşayıb. O, Azərbaycanın ilk təhlükəsizlik naziri Məmmədbağır Şeyxzamanlının qızı Ruqiyyə xanımla ailə həyatı qurub. Aydın Aran adlı övladları dünyaya gəlib.

Azərbaycanın ilk “çekisti”, Əks Kəşfiyyat İdarəsinin rəisi Nağı bəy Şeyxzamanlının nəvəsi Tomris Azəri hazırda ABŞ-da yaşayır.

Qeyd: Modern.az bu mövzunu davam etdirəcək.


Elmin Nuri


Şərh yaz

Bu kateqoriyadan olan xəbərlər
SON XƏBƏR
27.06.2017, 16:05

İlham Əliyev Varşavada “Naməlum əsgər” abidəsini ziyarət etdi

27.06.2017, 16:02

Evə basqın edib ana və qızını bıçaqlayan şəxs tutuldu

27.06.2017, 15:10

Azərbaycan-Polşa sənədləri imzalanıb 

27.06.2017, 14:19

Ağcabədi sakini əməliyyat masasında öldü  

27.06.2017, 14:14

Qəndab Quliyeva dəfn olundu

27.06.2017, 14:06

Azərbaycan nefti cüzi bahalaşdı

27.06.2017, 14:00

“İş adamlarına səslənirəm, Xocalı soyqırımını Danimarka parlamentinin müzakirəsinə çıxarmaq istəyirik” – MÜSAHİBƏ

27.06.2017, 13:43

Bakıda 32 eldar şamını kəsdilər - nazirlik polisə müraciət etdi

27.06.2017, 13:41

İlham Əliyev və Andjey Duda bir-birinə hədiyyələr verdilər

27.06.2017, 13:06

Sabahın havası - Bakıda 34 dərəcə isti olacaq

27.06.2017, 13:01

Azərbaycan və Polşa prezidentlərinin təkbətək görüşü oldu

27.06.2017, 12:58

Ötən gün Azərbaycanda baş verən yol qəzalarının statistikası...

27.06.2017, 12:35

İlham Əliyevin Varşavada rəsmi qarşılanma mərasimi olub

27.06.2017, 12:20

Ukrayna Müdafiə Nazirliyinin yüksək rütbəli zabiti öldürüldü - FOTOLAR  

27.06.2017, 12:10

Kiyevdəki partlayış terrordur - YENİLƏNİB 

27.06.2017, 12:06

Formula 1-ə görə marşrutlarda edilən dəyişiklik ləğv olundu

27.06.2017, 12:05

80 tondan artıq Azərbaycan kartofu Qazaxıstandan geri qaytarıldı

27.06.2017, 11:42

“Böyük İpək Yolu”nun baş katibi Polşada çağırış etdi - FOTO

27.06.2017, 11:21

Qubada 4 avtomobil TOQQUŞDU: 1 nəfər öldü

27.06.2017, 10:47

Ermənistanı qorxudan GEDİŞAT: Azərbaycan müharibəyə hazırlaşır – XƏBƏRDARLIQ

27.06.2017, 10:39

Tovuzda elektrovoz qadını vurub öldürdü

27.06.2017, 10:07

Salyanda yol qəzası: yaralı var

27.06.2017, 10:00

Ermənistan bütün cəbhəboyu təxribat törətdi

27.06.2017, 09:25

Qadın tələbələr daha çox kolleclərdə, yoxsa ali məktəblərdə oxuyur?

26.06.2017, 23:20

Salvador Dalinin məzarı açılacaq

26.06.2017, 23:16

Tramp Rusiyanın seçkilərə müdaxiləsini istisna etmir

26.06.2017, 22:55

Astara sakini narkotikdən öldü

26.06.2017, 22:10

Putin Maradonaya ağız açdı

26.06.2017, 22:07

İranın neft emalı zavodunda yanğın – 100 yaralı

26.06.2017, 21:59

Təyyarənin qanadı qırıldı - təcili eniş etdi

26.06.2017, 21:50

Arif Hacılı müttəfiqləri ilə danışıqlar üçün Tbilisiyə gedir

26.06.2017, 21:04

Xəzərdə batmaq təhlükəsi ilə üzləşən şəxs xilas edildi

26.06.2017, 20:29

AZAL Moskva-Bakı reysində erməni yeməyinin verilməsi ilə bağlı izahat tələb edəcək

26.06.2017, 20:19

Pakistanda daha bir faciə: 157 nəfər öldü

26.06.2017, 20:14

Gəncədə minaatan mərmisi aşkarlandı

ARXİV
SORĞU
Qeyri-sabit hava şəraiti sizə necə təsir edir?
- İstilərdən canımız qurtarıb(8.92%)
- Dənizə gedə bilmirik(19.6%)
- Səhhətimizə mənfi təsir edir(17.8%)
- Əhvalım xoşallanır(14.2%)
- Məhsul qıtlığı yaranır(14.2%)
- Təsərrüfatıma ziyan dəyir(3.57%)
Yağış, dolu ruzi-bıərəkətdir(21.4%)