Yunanıstanda sabiq baş nazir Lukas Papadimosun avtomobili partladılıb. Modern.az "RİA Novosti"yə istinadən xəbər verir ki, partlayış nəticəsində baş nazir daxil olmaqla 4 nəfər yaralanıb.
Məlumata görə, hazırda sabiq baş nazirin həyatı üçün heç bir təhlükə yoxdur: "Papadimos xəstəxanadadır, onun həyatı üçün heç bir təhlükə yoxdur. Minalanmış paket partlayıb. Partlayış avtomobildə olub, baş naziri müşayiət edən 3 nəfər də yaralanıb".
Qeyd edək ki, Papadimos Yunanıstanın baş naziri vəzifəsində 2011-ci ilin 11 noyabrından 2012-ci ilin 16 mayına qədər çalışıb.
Modern.az
