Mançesterdəki terror aktının araşdırılması çərçivəsində daha bir nəfər saxlanılıb. Modern.az xarici mediaya istinadən xəbər verir ki, bununla da "Mançester-Arena" stadionunda terror aktı ilə bağlı saxlanılanların sayı 14 nəfərə çatıb. Saxlanılanlardan 2-si sonradan azadlığa buraxılıb. 12 nəfər isə həbsdə qalıb.
Qeyd edək ki, mayın 22-də "Mançester Arena" stadionunda amerikalı müğənni və aktrisa Ariana Qrandenin konserti zamanı iki güclü partlayış baş verib. Hadisə nəticəsində 12-si uşaq olmaqla 22 nəfər ölüb, 75 nəfər xəsarət alıb. İŞİD terror qruplaşması partlayışa görə məsuliyyəti öz üzərinə götürüb.
Modern.az
