Bu il Azərbaycana 1600 başdan çox qaramal idxal olunub. Bu barədə Modern.az-a Kənd Təsərrüfatı Nazirliyi Aparatının Heyvandarlığın inkişafı şöbəsinin müdiri Qalib Əbdüləliyev məlumat verib.
O bildirib ki, qaramal əsasən, Avstriya və Almaniyadan gətirilib:
“Heyvanlar simmental, holşteyn-friz cinsindəndir”.
Qeyd edək ki, ümumilikdə 2009-cu ildən 2017-ci il mayın 1-dək olan dövrdə 23668 baş iribuynuzlu cins damazlıq heyvan alınaraq ölkəyə gətirilib, həmin heyvanlar 720 fiziki və hüquqi şəxsə lizinq yolu ilə güzəştli şərtlərlə satılıb.
Gülşən RAUFQIZI
