Rusiya Prezidenti Vladimir Putinbu gün “Birbaşa xətt”də ölkə əhalisinin suallarını cavablandırır.
Modern.az xəbər verir ki, bu, V.Putinin birbaşa ünsiyyət qurduğu 15-ci sual-cavab tədbiridir. Bu il də verilən suallar arasında sosial və məişət problemləri, habelə ölkədə iqtisadi vəziyyətə dair suallar üstünlük təşkil edir. Təşkilat komitəsinin məlumatına görə, bu dəfə Prezidentin ünvanına 1,8 milyon sual daxil olub. Ötən il Rusiya lideri 3 saat 40 dəqiqə ərzində 80 suala cavab vermişdi.
Hazırda da davam edən canlı yayımda Vladimir Putinə ünvanlanan suallar arasında qızları və nəvələri ilə bağlı sorğular da olub.
Putin bu haqda qısaca bunları deyib:
“Uşaqlarım siyasətə qarışmır, Moskvada adi həyatlarını yaşayırlar. Nəvələrim isə uşaq bağçasına gedir”.
