Modern.az

“Hell Azərbaycan” şirkətindən ETİRAZ: “Azərbaycan istehlakçısı nə içdiyini yaxşı bilir”

“Hell Azərbaycan” şirkətindən ETİRAZ: “Azərbaycan istehlakçısı nə içdiyini yaxşı bilir”

19 İyun 2017, 16:38

Bu gün Modern.az-da yayımlanan “Bir banka ilə “qanadlandıran” içkilər - Gənclərimizi bəlaya sürükləyən “Red Bull”, “Hell”... - TƏHLÜKƏ” başlıqlı məqalə energetik içki satışı ilə məşğul olan şirkətlərin etirazına səbəb olub.

 

“Hell Azərbaycan” şirkətinin marketinq direktoru  Müşfiq İskəndərov Modern.az-a yazıda səsləndirilən fikirlərlə razılaşmadığını bildirib:

 

“Həmin fikirlər bizim marka ilə əks mövqedə olan məsələlərdir. “Hell” markasının adının “cəhənnəm” kimi tərcüməsinə, şeytan işarəsinin olmasına gəlincə, bu, kökündən yanlışdır. Əgər dini mövqedən yanaşırıqsa, İslam dinində şeytanın hər hansı cizgisi və görüntüsü yoxdur. O, mələk simasındadır. Onun hansısa görüntüsü alına bilməz. İngilis məntiqinin “Hell” dediyi şey bizim bildiyimiz cəhənnəm və cərəyan anlayışını vermir. Onlar “cəhənnəm” dedikdə istini, alovu nəzərdə tuturlar. Yəni burada söhbət alovun fonunda insanın içki qəbul edib sərinləməsindən gedir. Bizim ən yaxşı marketinq manevrlərimizdən biri də mağazaların ön şüşələrində olan reklamlardır ki, məqalədə buna da toxunmuşunuz”.

 

Şirkət rəsmisi bildirib ki, məhsullarının tərkibində insanları məntiqsiz manevrlərə gətirib çıxara biləcək heç nə yoxdur:

 

“Bizim məhsulumuz kimyəvi maddələr, aqreqatlar əlavə olunan məhsul deyil. Məhsulumuzun 82 faizini su təşkil edir. Həmin su isə dünyanın ən saf suyu hesab olunan macar suyudur, artezian quyular zavodun həyətində yerləşir. Mən markanın marketinq direktoru olaraq həmin zavodda və su quyularında olmuşam. İçkinin hazırlanmasında tam şəkərdən istifadə olunur. Yazıda qeyd olunan rəqiblərimizin 99 faizi əsasən saxarozadan istifadə edirlər. Bu şəkər əvəzləyicisidir. Məhsulun təkibindəki kofein kofedən alınır, taurin isə təmiz heyvani mədə şirəsindən əmələ gəlir. Biz keyfiyyət göstəricisinə görə, Azərbaycan alıcısının 66,4 faizinin rəğbətini qazanmışıq. Hesab edirəm ki, bu cür fikirlər həmin 66, 4 faiz istehlakçıya sayğısızlıqdır. Azərbaycan alıcısı nəyi və necə aldığını, içdiyini yaxşı bilir. Ona görə də biz üç ildir ki, bazarın lideriyik”.

 

Gülşən RAUFQIZI

Whatsapp
Bizə yazın!
Keçid et
Əskipara kəndinə getmək istəyən jurnalistlər belə saxlanıldı