23 yanvar 2018, Çərşənbə
Ana Səhifə - MÜSAHİBƏ - “Mən o zaman İlham Əliyevi necə bağrıma basıb öpürdümsə, indi də elə edərəm” - MÜSAHİBƏ
“Mən o zaman İlham Əliyevi necə bağrıma basıb öpürdümsə, indi də elə edərəm” - MÜSAHİBƏ
22.06.2017, 09:05

Gülnisa İsayeva: “Zərifə Əliyevanı bir dəfə də əsəbiləşən görmədim”

Müsahibimiz oftalmoloq, 88 yaşlı Gülnisa İsayevadır. Gülnisa İsayeva vaxtilə mərhum akademik, tanınmış oftalmaloq alim Zərifə Əliyeva ilə bir yerdə işləyib.

Modern.az saytı Gülnisa Əliyeva ilə müsahibəni təqdim edir.

- Zərifə Əliyeva ilə neçənci ildə tanış olmuşdunuz. İstərdik o illərə qısa bir nəzər salasınız.

- Mən onunla 1965-ci ildə tanış olmuşam. Zərifə Əliyeva o zaman Göz İnstitutunda işləyirdi. Mən isə kafedrada işləyirdim. Amma hamımız Göz İnstitutunda bir yerdə idik. Zərifə xanım doğrudan da qeyri-adi bir insan idi. Çox böyük mədəniyyət sahibi idi. Belə insanlar bir neçə əsrdən bir doğulurlar. O, heç tanımadığı, birinci dəfə gördüyü adama elə hörmət edərdi ki, hamı onu tanıdığını zənn edərdi. Mərhum Zərifə Əliyeva o qədər mehriban bir xanım idi ki!.. O, həm də çox qayğıkeş idi. Həmişə bizdən “evinizdə vəziyyət necədir, nə probleminiz var?” deyə soruşardı. Bir problem olsaydı, dərhal onun həllinə çalışardı.
 

- Sizə nə köməklik edib?

- Mən Moskvada təhsil almışdım. Bir dəfə çətinlik yaranmışdı. Xəstənin göz dibini yaxşı görə bilmirdim. Zərifə xanıma müraciət etmişdim, demişdim ki, xəstəyə baxsam da, nə baş verdiyini dərk etmirəm. Zərifə xanım mənə hər şeyi izah etdi. Belə hallarda o, saatlarla oturardı, hər şeyi incəliyi ilə izah edərdi. Həmişə çalışırdı ki, kiməsə köməklik etsin.

Zərifə xanım hərtərəfli insan idi. Məsələn o, yaxşı mahnılar ifa edirdii.

Bir dəfə tanınmış oftalmoloq Zəhra Quliyevanın ad gününə getmişdik, Zərifə xanım də bizimlə gəlmişdi. Pianino arxasında əyləşib musiqi ifa edirdi. Həm də yaxşı mahnı oxuyardı.

Heç zaman özünü kimdənsə yüksək tutmazdı. Zəhra xanımla da dost idi, ümumiyyətlə, Zəhra Quliyevanın ad günlərində Zərifə Əliyeva da iştirak edərdi.

Bir dəfə Zəhra Quliyevanın ad günündə Zərifə xanımın qızı Sevil Əliyeva da gəlmişdi. O dedi ki, partiya biletini alıb. “Bu gün mən partiya biletini aldım” deyirdi. Hamımız onu partiyaya girməsi münasibəti ilə təbrik etdik.

Biz Zərifə Əliyevanı özümüzdən ayıra bilmirdik. Heç kim onu təkcə yüksək vəzifəli şəxsin, Heydər Əliyevin həyat yoldaşı kimi qəbul etmirdi. Biz həm də onu əsl yoldaşımız, yaxın adamımız kimi qəbul edirdik.

- Heydər Əliyevdən nələr danışırdı?

- Bəzən deyərdi: “Bu gün mənim görüşüm var, siz xəstələrimə baxın, mən görüşə gedirəm”. Bir –birlərinə çox bağlı insanlar idi. 3-4 il bir yerdə işlədik. Sonra Umnisə Musabəyli bizi “Semaşko”ya apardı. Onlar isə “Respublikanski”yə getdilər.

- Siz Zərifə Əliyeva ilə yaxın təmasda olmusunuz. O tibbdən başqa, ən çox nələr haqda söz açardı?

- Öz ailəsindən danışardı. “Övladlarıma səhər yeməyi hazırladım, bunu yedilər, onu yedilər” kimi şeylər danışardı. Məişət söhbətləri də edərdik.

Umnisə Musabəyli və Zəhra xanımla da çox yaxşı əlaqələri var idi. Umnisə xanım həmişə əməliyyatlara gedəndə, Zərifə xanım da onunla birlikdə əməliyyata girərdi. Onlar əməliyyatları bir yerdə edərdilər.

- Kollektiv olaraq Zərifə xanımla gəzməyə çıxırdınızmı?

- Xeyr. Ancaq həmkarlarımızın doğum günlərində bir yerdə olmuşuq.

- Gündəlik iş həyatında hamı əsəbiləşir. Zərifə xanım kiməsə əsəbiləşmişdimi?

- O adam qətiyyən əsəbiləşməzdi. O qədər sakit adam idi ki... Mən neçə il onunla işlədim, amma bir dəfə də əsəbiləşdiyini görmədim. Biz əsəbiləşəndə o “burda əsəbiləşməli nə var ki?! Yoluna qoyun, getsin. Əsəbinizi qoruyun” deyərdi.


- Heydər Əliyev Azərbaycan Kommunist Partiyası Mərkəzi Komitəsinin I katibi seçiləndən sonra Zərifə Əliyeva ilə görüşləriniz oldumu?

- Gediş-gəlişimiz olmayıb. Bir dəfə mən kafedranın işçilərini evə qonaq çağırmışdım. Zərifə xanım da gəlmişdi. Mən qutab, “gürzə” bişirmişdim. Oturduq, söhbət etdik, yedik.

- Bəs övladlarından nə danışardı?

- Onda Sevil Əliyeva və İlham Əliyev balaca idilər. Yadımdadır, biz Zərifə xanımı yola salmağa çıxanda İlham Əliyevin də onun sürücüsü ilə bir gəldiyini görərdik. Balaca uşaq idi. İlham Əliyevi qucaqlayıb-öpürdük. Qısa söhbət edərdik, sonra onlar avtomobilə əyləşib çıxıb gedərdilər.

- Zərifə xanımın 1985-ci ildə rəhmətə gedəndə çox adam bundan pis olmuşdu. Biz istərdik ki, siz də o zaman keçirdiyiniz hissləri danışasınız.

- Onun ölüm xəbəri bizi çox sarsıtdı. O, ürəyimizdə o qədər məhəbbət yaratmışdı ki, o qədər yaxın idik ki, ölümünü qəbul edə bilmirdik. Mən Zərifə xanım rəhmətə gedəndə Moskvaya getmək istəyirdim. Elə oldu ki, bizim kafedradan çox adam getdi, xəstələrə baxmağa isə adam az qalmışdı. Buna görə də icazə vermədilər. Ancaq çox can atırdım ki, Moskvaya gedim. Çox heyfsləndim ki, o zaman Moskvaya gedə bilmədim.

- İndi işləyirsiniz?

- Pensiyadayam. Tibb Universiteti ilə əlaqələrim çoxdur. Arada kafedraya da gedirəm.

- Zərifə Əliyevanın atası Əziz Əliyev də tanınmış şəxs idi. Heç atası barədə söhbət açardımı?

- Əziz Əliyevlə bağlı bir məqamı demək istəyirəm.

Biz əvvəllər Dərbənddə yaşamışıq. Əziz Əliyev Dağıstan Vilayət Partiya Komitəsinin I katibi vəzifəsində idi.

Atam “Jdanov” kolxozunun sədri idi. Atam Əziz Əliyevin yanına gedib-gələrdi. Onunla yaxşı əlaqəsi var idi. Atam Mahaçqalaya gedib-gələndən sonra Əziz Əliyevdən danışardı.

Zərifə xanım deyərdi ki, atası Dağıstanda azərbaycanlılara çox köməkliklər edib. Mənim atama da kömək etmişdi. Atam kolxoza Ukraynadan inək gətirmək istəyirdi. Amma o zaman bu çətin idi. Məhz Əziz Əliyevin sayəsində atam kolxoza inəklər gətirə bildi. Dağıstana çatanda atam deyib: “İndi narahat olmaya bilərik. Artıq Dağıstandayıq, Əziz Əliyev icazə verməz ki, bizə problem yaratsınlar”.

Əziz Əliyevin təşəbbüsü ilə Dərbənddə antena quraşdırdılar ki, oranın camaatı Bakı radiosuna qulaq asa bilsin.


- Zərifə xanımın dəfnində də iştirak edə bilmədiniz?

- İştirak etdik. Ehsan veriləndə məscidə də getmişdik.

- Dediniz ki, Azərbaycan prezidenti İlham Əliyev uşaq olanda onu qucaqlayıb-öpmüsünüz...


- İnanın onu bağrımıza basırdıq, öpürdük, qucaqlayırdıq. Sevil Əliyeva avtomobildə çox olmazdı, çox vaxt İlham Əliyev gəlirdi. Biz də onu öpüb-qucaqlayırdıq.

- Bu gün də görsəniz qucaqlayıb-öpərdiniz?

- Böyük məmnuniyyətlə qucaqlayardım da, öpərdim də. Onun uşaqlığı gözümün qabağındadır. Mən o zaman İlham Əliyevi necə bağrıma basıb öpürdümsə, indi də elə edərəm. Ona öz balam kimi baxmışam.

- Siz özünüz istəmirdiniz ki, Zərifə xanım Heydər Əliyevdən danışsın? Maraq güc gəlmirdi?

- Bu barədə soruşmaq heç ağlımızdan da keçmirdi. Zərifə xanım gəlirdi, xəstəyə baxırdı. Heç vaxt da olmurdu ki, əlavə nəsə danışaq. Amma arada iş əsnasında zarafatlar da edərdi.

- Zarafatları nə ilə bağlı olurdu?

- Onun zarafatları çox idi. O qədər gözəl zarafatlar edərdi ki, adamın ürəyinə yayılardı. Onun zarafatları xəstəyə də, biz həkimlərə də ruh yüksəkliyi verərdi. Hamımızın əhvalı yüksəlirdi, şənlənirdik. Zərifə Əliyeva o qədər pozitiv insan idi ki, ondan ilham almaya bilməzdik.

İndi o günləri yadıma salıram. Həyat yoldaşım da rəhmətə gedib. Övladlarım da evlidirlər. Hazırda özüm tək yaşayıram. Evdə təkbaşına o illəri düşünürəm.

- Umnisə Musabəyli ilə də münasibətləriniz yaxşı olub. Bir az da ondan söz açın.

- Umnisə Musabəyli inamlı yerişi, gözəl nitqi, yüksək intellekti ilə adama sirayət etməyə bilməzdi. Umnisə xanım yüksək mədəniyyət sahibi idi. Umnisə xanımın cürəti çatırdı ki, hər yerdə sözünü desin. Ona bir dəfə fəxri diplom verdilər, amma götürmədi. Özünə layiq bilmədi, dedi ki, ona lazım deyil. Mən göz həkimliyini ən çox Umnisə xanımdan öyrənmişəm. Çünki mən onunla neçə il işləmişəm.

Umnisə xanım SSRİ-də yeganə həkimlərdən biri idi ki, ingilis dilini mükəmməl bilirdi.


Aqşin KƏRİMOV


Şərh yaz

Bu kateqoriyadan olan xəbərlər
SON XƏBƏR
Türkiyə "Zeytun budağı" əməliyyatında şəhid verdi
23.01.2018, 00:59

Türkiyə "Zeytun budağı" əməliyyatında şəhid verdi

Bakıda 58 yaşlı kişi evində bıçaqlandı
23.01.2018, 00:50

Bakıda 58 yaşlı kişi evində bıçaqlandı

ABŞ qondarma rejimin "vətəndaşlarına" viza verir - Video   
23.01.2018, 00:37

ABŞ qondarma rejimin "vətəndaşlarına" viza verir - Video  

Türklərlə kürdlər arasında kütləvi dava
23.01.2018, 00:25

Türklərlə kürdlər arasında kütləvi dava

Oktan ədədi 95-dən az olan benzin növlərinin aksiz vergisi 200 dəfə artırılıb
23.01.2018, 00:11

Oktan ədədi 95-dən az olan benzin növlərinin aksiz vergisi 200 dəfə artırılıb

Prezident “Royal Phillips”in baş icraçı direktoru ilə müzakirə apardı
22.01.2018, 23:57

Prezident “Royal Phillips”in baş icraçı direktoru ilə müzakirə apardı

Sumqayıtda intihara cəhdin qarşısı alınıb
22.01.2018, 23:43

Sumqayıtda intihara cəhdin qarşısı alınıb

Azərbaycan nefti ucuzlaşdı
22.01.2018, 23:26

Azərbaycan nefti ucuzlaşdı

Avtobus qəzasında 18 nəfər öldü
22.01.2018, 23:15

Avtobus qəzasında 18 nəfər öldü

BMT-nin Yəmən üzrə xüsusi elçisi istefa verib
22.01.2018, 22:59

BMT-nin Yəmən üzrə xüsusi elçisi istefa verib

“Planlaşdırılmış bütün ərazilər nəzarət altına alınıb” – Bəkir Bozdağ
22.01.2018, 22:45

“Planlaşdırılmış bütün ərazilər nəzarət altına alınıb” – Bəkir Bozdağ

Ciddi və ya qeyri-ciddi saydığımız İNANCLAR
22.01.2018, 22:29

Ciddi və ya qeyri-ciddi saydığımız İNANCLAR

Tramp Davosa getməyə bilər
22.01.2018, 22:13

Tramp Davosa getməyə bilər

1 stəkan ilıq su və yarım qaşıq sarıkök – İNANILMAZ NƏTİCƏ
22.01.2018, 21:58

1 stəkan ilıq su və yarım qaşıq sarıkök – İNANILMAZ NƏTİCƏ

Cahangir Hacıyevin vəkillərinin cəzalandırılma səbəbi - Yenilənib
22.01.2018, 21:44

Cahangir Hacıyevin vəkillərinin cəzalandırılma səbəbi - Yenilənib

“LUKOİL” şirkətinin Azərbaycandakı fəaliyyəti müzakirə olundu   
22.01.2018, 21:32

“LUKOİL” şirkətinin Azərbaycandakı fəaliyyəti müzakirə olundu  

"Neftçi" 1:8 hesabı ilə uduzdu
22.01.2018, 21:16

"Neftçi" 1:8 hesabı ilə uduzdu

Prezident dünyanın ən böyük investisiya şirkətinin rəhbəri ilə görüşdü   
22.01.2018, 21:03

Prezident dünyanın ən böyük investisiya şirkətinin rəhbəri ilə görüşdü  

ABŞ-da məktəbdə atışma
22.01.2018, 20:57

ABŞ-da məktəbdə atışma

Türkiyə Afrin bölgəsində strateji yüksəkliyini ələ keçirdi
22.01.2018, 20:43

Türkiyə Afrin bölgəsində strateji yüksəkliyini ələ keçirdi

İlham Əliyev Azərbaycanın Dünya İqtisadi Forumu ilə əməkdaşlığını müzakirə etdi
22.01.2018, 20:27

İlham Əliyev Azərbaycanın Dünya İqtisadi Forumu ilə əməkdaşlığını müzakirə etdi

Avropa Şurası Ermənistana olan mövqeyinə görə qınandı
22.01.2018, 20:18

Avropa Şurası Ermənistana olan mövqeyinə görə qınandı

Yaqland Azərbaycanda görülən tədbirləri müsbət qiymətləndirdi
22.01.2018, 19:51

Yaqland Azərbaycanda görülən tədbirləri müsbət qiymətləndirdi

Bara silahlı hücum: 7 ölü
22.01.2018, 18:56

Bara silahlı hücum: 7 ölü

14 mindən çox borclunun Azərbaycandan çıxışına qadağa qoyulub
22.01.2018, 18:42

14 mindən çox borclunun Azərbaycandan çıxışına qadağa qoyulub

Gürcüstanda Qış Olimpiya Oyunları keçirilə bilər
22.01.2018, 18:36

Gürcüstanda Qış Olimpiya Oyunları keçirilə bilər

Əməliyyat Qərargahı alpinistlərlə bağlı yeni MƏLUMAT YAYDI
22.01.2018, 18:32

Əməliyyat Qərargahı alpinistlərlə bağlı yeni MƏLUMAT YAYDI

Tillerson: “Türkiyənin terrorla mübarizə hüququnu tanıyırıq”
22.01.2018, 18:21

Tillerson: “Türkiyənin terrorla mübarizə hüququnu tanıyırıq”

3 türk əsgəri yaralandı
22.01.2018, 18:10

3 türk əsgəri yaralandı

Kürdlər Moskvanın Afrinlə bağlı gizli təklifini AÇIQLADI
22.01.2018, 17:49

Kürdlər Moskvanın Afrinlə bağlı gizli təklifini AÇIQLADI

Çevik Polis Alayında MÜŞAVİRƏ - Nazir ayıq-sayıq olmağa ÇAĞIRDI   
22.01.2018, 17:39

Çevik Polis Alayında MÜŞAVİRƏ - Nazir ayıq-sayıq olmağa ÇAĞIRDI  

Manat və dolların sabahkı məzənnəsi
22.01.2018, 17:35

Manat və dolların sabahkı məzənnəsi

Yerevandakı Göy məscid YUNESKO-nun siyahısına salına bilər
22.01.2018, 17:28

Yerevandakı Göy məscid YUNESKO-nun siyahısına salına bilər

İlhamə Quliyevanın adına şərabı kim hazırlatdırıb: biri “özü” deyir, qohumunun isə bundan xəbəri yoxdur
22.01.2018, 17:24

İlhamə Quliyevanın adına şərabı kim hazırlatdırıb: biri “özü” deyir, qohumunun isə bundan xəbəri yoxdur

Azərbaycanda qanunsuz miqrasiya kanalı təşkil edənlər saxlanıldı
22.01.2018, 17:23

Azərbaycanda qanunsuz miqrasiya kanalı təşkil edənlər saxlanıldı

ARXİV
SORĞU
Hansı şirkətlər sosial layihələrə dəstək verir, xeyriyyəçilik edir?
BP Azərbaycan(42.2%)
SOCAR(13.3%)
Azersun Holding(11.1%)
Azercell(2.22%)
Bakcell(8.88%)
Nar mobile(2.22%)
Gilan Holdinq(4.44%)
Nurgun Group(2.22%)
Paşa Holding(2.22%)
Akkord(11.1%)