Modern.az

Formula 1: birinci sərbəst yürüşün NƏTİCƏLƏRİ məlum oldu

Formula 1: birinci sərbəst yürüşün NƏTİCƏLƏRİ məlum oldu

23 İyun 2017, 15:11

Bakıda keçirilən Formula 1 yarışlarında birinci sərbəst yürüşü "Red Bull" komandasının niderlandlı pilotu Maks Ferstappen lider başa vurub.

 

Modern.az-ın Trend-ə istinadən məlumatına görə, o 1:44.410 dəqiqə nəticə göstərib

Digər "Red Bull" pilotu Daniel Rikkardo (1:44.880) ikinci, Ferrari pilotu Sebastyan Fettel (1:44.967) üçüncü nəticə göstərib.

 

Qeyd edək ki, iyunun 23-də Bakıda dünyanın ən nüfuzlu idman yarışlarından olan Formula 1 dünya çempionatının 8-ci mərhələsi – Azərbaycan Qran-Prisinə start verilib.

Azərbaycan paytaxtında artıq ikinci dəfədir keçirilən Formula 1 yarışında bu gün pilotlar birinci və ikinci sərbəst yürüşlərə çıxır. İyunun 24-də üçüncü sərbəst yürüşdən sonra sıralanma turu başlayacaq, yekunda pilotların düzülüşü müəyyənləşəcək. Nəhayət, iyunun 25-də Formula 1 – Azərbaycan Qran Prisinin qalibi məlum olacaq.

 

Formula 1 bolidlərinin hərəkət etməsi üçün hazırlanan xüsusi yolun – Bakı Şəhər Halqasının müəllifi Herman Tilkedir. Bir dövrənin uzunluğu 6 kilometrdən çoxdur. Ümumilikdə bolidlər 51 dövrə (120 dəqiqə) vurmalıdırlar.

 

Modern.az

Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir