Xəzər dənizində batmaq təhlükəsi ilə üzləşən şəxs xilas edilib.
Bu haqda Fövqəladə Hallar Nazirliyindən Modern.az-a məlumat verilib.
Nazirliyin kiçikhəcmli Gəmilərə Nəzarət və Sularda Xilasetmə Dövlət Xidmətinə paytaxtın Xəzər rayonunda 1 nəfərin dənizdə çimərkən batmaq təhlükəsi ilə üzləşməsi barədə məlumat daxil olub.
Dərhal Xidmətin xilasediciləri hadisə yerinə cəlb olunaraq vətəndaşı sudan çıxarıb və aidiyyəti üzrə təhvil veriblər.
Əməliyyat saat 18:36-da başa çatıb.
Modern.az
