Türkiyənin Antalya şəhərində son 88 ilin ən isti günü yaşanıb. Modern.az Türkiyə mediasına istinadən xəbər verir ki, bu gün Antalyada hava temperaturunun ölçülməyə başlandığı 1929-cu ildən bəri ən isti gün yaşanıb. Belə ki, 2000-ci ildə şəhərdə 45 dərəcə isti qeydə alınmışdı. Bu gün isə 45,4 dərəcə temperaturla son 88 ilin rekordu yenilənib.
Sinoptiklərin məlumatına görə, bölgədə mövsüm üçün normal göstəricilərdən 10-12 dərəcə yüksək istilər hökm sürür. Antalyada anomal isti hava şəraitinin sabah da davam edəcəyi bildirilir.
Bu gün İstanbulda da hava çox isti keçib, termometrin göstəricisi 44 dərəcəyədək yüksəlib.
Modern.az
