26 may 2018, Şənbə
Ana Səhifə - ƏDƏBİYYAT - Sözünə, qələminə, amalına sədaqətli insan - Onun yazılarında Mirzə Cəlil ruhu var
Sözünə, qələminə, amalına sədaqətli insan - Onun yazılarında Mirzə Cəlil ruhu var
13.07.2017, 11:00

Onu oxuculara əvvəlcə "Mirzə Cəlil ruhu duyulan” hekayələr müəllifi kimi təqdim etmək istədim. Sonra düşündüm ki, yanılıram. Axı Akif Cabbarlı həm də Azərbaycan radiosunun və televiziyasının inkişafı yolunda fədakarcasına çalışan bir televiziya jurnalistidir. 1973-cü ildə Azərbaycan Dövlət Universitetinin (indiki BDU) jurnalistika fakültəsini bitirərkən onun səlis nitq bacarığını, biliyini və ən başlıcası, zəhmətkeşliyini (təəssüflər ki, bu gün çoxları telejurnalistikanı zəhmətsiz, tez məşhurlaşmaq üçün bir vasitə hesab edirlər) nəzərə alaraq təyinatla Azərbaycan Televiziya və Radio Verilişləri Komitəsinə işə göndərdilər. O gündən 44 ilə yaxın bir zaman ötür. O, bu zaman ərzində milli mətbuatımızda və televiziyamızda özünəməxsus yazı üslubu, səlis dili, mövzu seçimi, sərrast deyim tərzi, ifadə vasitələri olan bir qələm əhli kimi tanındı, sevildi, seçildi. Oxucusu, tamaşaçısı onu söz dərgahının hüzurunda həmişə başıuca dayanan, ürəyinin diktəsini qələmə alan birisi kimi tanıdı. 


 
Birini əməli, digərini amalı ilə...


 
Beləliklə qəzet, jurnal səhifələrində, efirdə və ekranlarda Akif Cabbarlı imzalı, sözlü bir yazarımız yetişdi. Fəaliiyəyə kiçik redaktorluqdan başlayan Akif müəllim, sonralar baş redaktor, yaradıcılıq birliyinin rəhbəri kimi vəzifələrdə də ona bəslənən ümidləri doğrultdu, mətbuatımızın əsasını qoyan böyük kişilərin amalına layiq olmağa çalışdı və buna nail də oldu. 2011-ci ilin mayından Azərbaycan Televiziya və Radio Verilişləri Qapalı Səhmdar Cəmiyyətində İdarə Heyətinin katibi vəzifəsinə təyin edilən Akif müəllim, 2013-cü ilin avqustundan İctimai Televiziya və Radio Yayımları şirkətinin əməkdaşı, "Media və zaman” televiziya proqramının redaktorudur.
 
A.Cabbarlı televiziya ilə yanaşı müxtəlif illərdə "Kommunist” (1987-1992) və "Azərbaycan” (2007-2011) qəzetlərin də çalışıb. Azərbaycan Yazıçılar və Jurnalistlər Birliyinin üzvü olan A.Cabbarlının istər hekayələrində, publisistik məqalələrində, istərsə də ssenari müəllifi olduğu radio və televiziya süjetlərində, reportajlarında qələm əhlindən əvvəl, bir vətəndaş yanğısı, sevgisi, sabaha inamı duyulub. Bu inam onu daima bir işığa, uğura yönəldib. Əməkdar jurnalist Flora Xəlilzadə deyir: "Millət, vətən sevgisinin birləşdiyi məqamlarda yaranan əsərlər janrından, həcmindən asılı olmayaraq, ədəbi uğurdur”. "İmanımız vətəndir” deyən Akif müəllim bu vətəni qorumaq və yaşatmaq üçün hər kəsi onun uğrunda mübarizəyə çağırır. Birini əməli, digərini amalı ilə... A.Cabbarlı istər qəzetdə, istər televiziyada eyni həvəs, eyni məsuliyyətlə, sözünə, qələminə, amalına sədaqətlə çalışır. Bu sədaqətdə vətəninə, dövlətinə, dövlətçiliyinə məhəbbət hər an özünü büruzə verir.  
 
 
Söz demək səlahiyyəti


 
Yenicə "Şuşa” nəşriyyatında işıq üzü görən "Səngər uvertürası” adlı kitabında qəlbi vətən sevgisi, torpaq qeyrətilə döyünən oğullarımızı səngərdən-səngərə havalanan "Zəfər uvertürasına” səsləyir. Müəllif əsərini "Azərbaycan əsgərinin "Aprel dərsləri” adlı publisistik yazısı ilə başlayır və şücaətlə düşmənə dərs verən igidlərimizi alqışlayır, qürurla yad edir. Azərbaycan igidini quduz düşmənin üstünə ölməyə yox, öldürməyə, yurdumuzdan süpürüb atmağa haraylayır. Vətən məhəbbəti, insanlıq duyğusu ilə yazılan bu əsərdə A.Cabbarlının müxtəlif vaxtlarda dövri mətbuatda çap olunan bədi-publisistik məqalələrinin bir qismi də yer alıb. Bu məqalələr arasında eləsi var ki, müəllif orada cəmiyyəti narahat edən problemlərdən də bəhs edir. Məsələn, "Televiziyalarda aparıcı(lıq) problemi... həmişə problem olub” və "Söz demək səlahiyyəti” sərlövhəli məqalələrində bu sahədəki naşıların populyar olmaq, məşhurlaşmaq eşqinə düşməsindən ürək ağrısı ilə bəhs edərək yazır: "...bəzi teleaparıclar indi toy tamadalarından o qədər də fərqlənmir. Studiyaya çağırılan qonaqlarla açıq-saçıq söhbətlər, yerli-yersiz replikalar, özlərini tərifləmək cəhətləri, çoxbilmiş və hər şeydən xəbərdar obrazı yaratmaq istəyi təbii ki, ayıq tamaşaçıda ikrah hissi doğurur”. Uzun illər radio və televiziya jurnalisti olan bir mütəxəssis kimi Akif müəllim belə "teleaparıcılar”dan məsləhətlərini də əsirgəmir: "Teleaparıcılar və jurnalistlər öz üzərlərində ciddi işləməli, dünyagörüşlərini və savadlarını artırmalı tamaşaçı, dinləyici ilə ünsiyyətdə aydın zəkalılıq, kreativ düşüncəlik nümunəsi göstərməlidirlər. Bir sözlə, tamaşaçıya söz deyənin öz sözü və özgürlüyü gərək olsun”. Əgər onlar dinləmək və öyrənmək mədəniyyətinə malikdirlərsə. Təəssüf, çox təəssüf ki, bəzən belə "teleaparıcılar” unudurlar ki, onların nə şəxsiyyətləri, nə də ədəb-ərkanları buna yol vermir ki, tamaşaçıya əxlaq dərsi keçsinlər


 
 Bu hekayələr sizi güldürə-güldürə düşündürəcək
 
 
A.Cabbarlını yaşadığımız cəmiyyətin digər sosial, ictimai, iqtisadi, mədəni problemləri də narahat edir. Məqalələrində bu mövzulara da yer verən müəllif, hər birimizi sabahlı gələcək uğrunda düşünməyə vadar edir. "Oturduğu budağı mişarlayanlar” adlı məqaləsində ekoloji tarazlığın pozulmasından narahat olan publisist, yaşıllığı qorumağı, onlara qayğı ilə yanaşmağı nəyinki tövsiyə edir, az qala onlara qənim kəsilənlərin ürəyinə rəhm salmaq arzusu ilə deyir: "Qızmar yay günlərində kölgəsini, payızda meyvəsini, qışda istisini əsirgəməyən varlıq, sirdaşımız, qəlbimizin pıçıltısını yaxından duyan əvəzedilməz dostumuzdu ağaclar”.
Akif müəllimin məqalələrində klassika ilə müasirlik vəhdət təşkil edir. "Bakı səmasında muğam sədası” məqaləsində milli-mənəvi dəyərimiz olan muğamdan, onun dünyada tanıdılması üçün dövlət səviyyəsində görülən xeyirxah işlərdən və Avropa Oyunlarının ölkəmiz üçün son dərəcə böyük bir əhəmiyyət kəsb etməsindən də eyni şövqlə danışır. 
  Kitabda son bölmə "Həyat etüdləri” adlanır. Mənə elə gəlir ki, oxucunu da daha çox düşündürən bu bölmə olacaq. Çünki həyatımızın bir parçasını əks etdirən bu etüdləri oxuduqca, Flora xanım demişkən, görəcəksiniz ki, siz o tipləri az qala tanıyırsınız. Onlar bizim ətrafımızda, iş yerlərimizdə elə çoxdurlar ki... Bu hekayələr sizi güldürə-güldürə düşündürəcək. "Pişik süfrə başında”, "Bir işin ki, içindən zibil çıxdı”, Boş qalmış kreslo”, "Vicdanın necə, ağrımadı ki? ", "Toy tərifi”, "Öz it həyatını yaşayan itlər”, "Qonşu payı”, "Brejnev SSRİ-nin direktoru idi, yoxsa”, "Ezamiyyət adı ilə sürgün”, "Nisyə dəftəri”, "Ağayar kişi bu fikirdədir ki, itin də adamı olmalıdır” və s. hekayələri oxucunu güldürməklə yanaş, həm də düşündürür. Cəmiyyətdə baş verən naqisliklər müəllif tərəfindən mükəmməlliklə açıqlanır. Bəzən bir-iki səhifə, hətta üç-beş cümlədən ibarət olan bu hekayələrdə Mirzə Cəlil ruhu var. Az sözlə böyük məna kəsb etmək, oxucunu güldürə-güldürə düşündürmək, yanlışlıqlardan çəkindirmək, düz yola istiqamətləndirmək. "Ağayar kişi bu fikirdədir ki, itin də adamı olmalıdır” hekayəsinin qəhrəmanı olan Ağayar kişinin bahalı villalarda, maşınlarda yaşayan itlərə həsəd aparması oxucunu düşündürməklə yanaşı, qəlbini ağrıdır. Görünür, hələ də bəzi zənginlərimizin mənəvi zənginliyə böyük ehtiyacı var.
 
  
Ehtiraslıdır, canlıdır, səmimidir
 
 
Bu hekayələrdə həm də fikir aydınlığı, dilin, üslubun sadəliyi və eyni zamanda, mövzunun kəskinliyi diqqəti cəlb edir. Müəllif ən xırda detalları, nüansları belə nəzərdən qaçırmır, daş qəlbli insanları sözü ilə xeyirxahlığa səsləyir. Sözə çox böyük ehtiramla yanaşan müəllif buna nail olacağına da inanır. Bəlkə elə ona görə də,  düşüncələri, təklifləri (hətta tənqidi fikirləri də) ehtiraslıdır, canlıdır, səmimidir. Yəqin ki, bu, Akif müəllimin xasiyyətindən də irəli gəlir. Bütün varlığı ilə milli dəyərlərimizə bağlı olan, daxili abır-həyası üz-gözündən süzülən Akif Cabbarlı həyatında, yaşam tərzində necədirsə, yaradıcılığında da elədir (Unutmayaq ki, əsərlərində ləyaqətdən, ədalətdən yazan, həyatda isə bunlardan uzaq olan şairimiz də, yazıçımız da, publisistimiz də var). Odur ki, Akif müəllimə milli mətbuat günü ərəfəsində o kiçik qəlbindəki, böyük arzuları həyata keçirmək (yazıb-yaratmaq) üçün gözəl, geniş bir şərait arzulayıram. Arzunun çin olacağı ümidilə, hələlik deyirəm, qələm yoldaşım!


 
 Qərənfil Dünyaminqızı 
 
 Əməkdar jurnalist


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Azərbaycanın “İnterpol”a verdiyi Burak Bilgili İstanbulda şirkət açıb
26.05.2018, 10:09

Azərbaycanın “İnterpol”a verdiyi Burak Bilgili İstanbulda şirkət açıb

Putin söz verdi
26.05.2018, 09:53

Putin söz verdi

Cəbhədə atışma – Pulemyotlar işə düşdü
26.05.2018, 09:43

Cəbhədə atışma – Pulemyotlar işə düşdü

Qusarda kanalda batan şəxsin axtarışına başlanılıdı
26.05.2018, 09:25

Qusarda kanalda batan şəxsin axtarışına başlanılıdı

Trampdan Şimali Koreyaya müsbət SİQNAL: “Sammit keçiriləcək”
26.05.2018, 09:21

Trampdan Şimali Koreyaya müsbət SİQNAL: “Sammit keçiriləcək”

Gədəbəydə qətl törədən gənc saxlanılıb
26.05.2018, 09:14

Gədəbəydə qətl törədən gənc saxlanılıb

Göygöldə "KamAZ" aşıb, iki nəfər ölüb
26.05.2018, 09:10

Göygöldə "KamAZ" aşıb, iki nəfər ölüb

ABŞ Konqresi AXC-ın yaranmasının 100 illiyi ilə bağlı bəyanat verdi
26.05.2018, 09:03

ABŞ Konqresi AXC-ın yaranmasının 100 illiyi ilə bağlı bəyanat verdi

Siqareti tərgitməyin effektiv yolu
26.05.2018, 00:25

Siqareti tərgitməyin effektiv yolu

Türkiyədə Azərbaycan Xalq Cümhuriyyətinə dair nadir kitablar nəşr olunub
26.05.2018, 00:14

Türkiyədə Azərbaycan Xalq Cümhuriyyətinə dair nadir kitablar nəşr olunub

Heydər Əliyev Mərkəzində “Son iclas” bədii-sənədli filminin təqdimatı olub
26.05.2018, 00:06

Heydər Əliyev Mərkəzində “Son iclas” bədii-sənədli filminin təqdimatı olub

Klubu Arda Turanı ağır cəzalandırdı - 250 min avro 
25.05.2018, 23:57

Klubu Arda Turanı ağır cəzalandırdı - 250 min avro 

Qəzzada toqquşmalar: 109 yaralı
25.05.2018, 23:44

Qəzzada toqquşmalar: 109 yaralı

Putin növbəti dəfə prezident olmayacaq
25.05.2018, 23:33

Putin növbəti dəfə prezident olmayacaq

Şahmatçımız dünya çempionatının qalibi oldu - Video
25.05.2018, 23:22

Şahmatçımız dünya çempionatının qalibi oldu - Video

Naxçıvanda  xidmət rəisi vəzifəsindən azad edilib
25.05.2018, 23:07

Naxçıvanda  xidmət rəisi vəzifəsindən azad edilib

Türkiyə ordusu üç PKK başçısını məhv edib
25.05.2018, 22:56

Türkiyə ordusu üç PKK başçısını məhv edib

Azərbaycan neftinin SON QİYMƏTİ - 80 dolları ötüb
25.05.2018, 22:41

Azərbaycan neftinin SON QİYMƏTİ - 80 dolları ötüb

Ramazanın 10-cu gününün duası, imsak və iftar vaxtı
25.05.2018, 22:28

Ramazanın 10-cu gününün duası, imsak və iftar vaxtı

25.05.2018, 22:20

"Real" "Liverpul"a qalib gəldi - VİDEO

25-ci
25.05.2018, 22:12

25-ci

Tramp Şimali Koreya ilə dialoqu bərpa edir
25.05.2018, 22:10

Tramp Şimali Koreya ilə dialoqu bərpa edir

Bir sinifdən 7 nəfər 600-dən çox bal topladı – VİDEO
25.05.2018, 21:57

Bir sinifdən 7 nəfər 600-dən çox bal topladı – VİDEO

Xalq Cümhuriyyətinin 100 illiyi münasibəti ilə bəzi binalar bayraqlarla bəzədilib
25.05.2018, 21:42

Xalq Cümhuriyyətinin 100 illiyi münasibəti ilə bəzi binalar bayraqlarla bəzədilib

Beynəlxalq kosmik stansiya kainatın soyuq qütbü olacaq
25.05.2018, 21:36

Beynəlxalq kosmik stansiya kainatın soyuq qütbü olacaq

Məktəbdə silahlı insident - bir nəfər ağır yaralandı
25.05.2018, 21:32

Məktəbdə silahlı insident - bir nəfər ağır yaralandı

Türkiyə gəmisi raketlə vuruldu
25.05.2018, 21:26

Türkiyə gəmisi raketlə vuruldu

Aprel şəhidinin oğlu AzEdu.az-a yazdı: “Anamdan xəlvət atamın paltarlarını öpürəm”
25.05.2018, 21:19

Aprel şəhidinin oğlu AzEdu.az-a yazdı: “Anamdan xəlvət atamın paltarlarını öpürəm”

Konstitusiya Məhkəməsi Ali Məhkəmənin qərarını ləğv edib
25.05.2018, 20:46

Konstitusiya Məhkəməsi Ali Məhkəmənin qərarını ləğv edib

Rustavidə azərbaycanlı tələbənin meyiti tapılıb
25.05.2018, 20:33

Rustavidə azərbaycanlı tələbənin meyiti tapılıb

Rusiyadan BƏYANAT: Böyük Britaniya bizdən üzr istəməlidir
25.05.2018, 20:28

Rusiyadan BƏYANAT: Böyük Britaniya bizdən üzr istəməlidir

Xaricdən daha çox idxal etdiyimiz  məhsullar - SİYAHI
25.05.2018, 20:24

Xaricdən daha çox idxal etdiyimiz  məhsullar - SİYAHI

Dövlət Miqrasiya Xidmətində Cümhuriyyətin yubileyi qeyd edilib
25.05.2018, 20:20

Dövlət Miqrasiya Xidmətində Cümhuriyyətin yubileyi qeyd edilib

Daxili İşlər Nazirliyində AXC-nin 100 illiyi ilə bağlı TƏDBİR
25.05.2018, 19:04

Daxili İşlər Nazirliyində AXC-nin 100 illiyi ilə bağlı TƏDBİR

ATƏT-in daimi nümayəndələri Cənubi Qafqaza səfər edəcək
25.05.2018, 18:53

ATƏT-in daimi nümayəndələri Cənubi Qafqaza səfər edəcək

ARXİV
SORĞU
Türkiyədə səsvermə hüqüqunuz olsaydı, hansı namizədə səs verərdiniz?
Muharrem İnce (21.8%)
Meral Akşener (12.6%)
Rəcəb Tayyip Ərdoğan (58.0%)
Selahattin Demirtaş (1.72%)
Temel Karamollaoğlu (0.57%)
Doğu Perinçek (5.17%)