Bakının Səbail rayonu ərazisində, jurnalistlərin binasının yaxınlığında hakim Yeni Azərbaycan Partiyasının (YAP) yeni mərkəzi qərargahı inşa olunub.
Modern.az-a daxil olan məlumata görə, binanın bu il açılışı olacaq.
Milli Məclisin Səbaildən seçilən deputatı, YAP Səbail rayon təşkilatının sədri Şəmsəddin Hacıyev Modern.az-a məlumatı təsdiqləyib.
“Yeni inşa olunan binanın açılışı bu ilin axırlarında baş tutacaq. Amma hansı ayda və neçəsi onu deyə bilmərəm. Bu barədə mənim məlumatım yoxdur”.
Qeyd edək ki, YAP-ın hazırkı mərkəzi qərargahı “Sahil” bağı ilə üzbəüzdə yerləşir.
Mirmahmud KAZIMOĞLU
