Çempionlar Liqasının üçüncü təsnifat mərhələsində keçiriləcək "Qarabağ" - "Şerif" (Moldova) oyununa hakim təyinatları açıqlanıb.
Modern.az xəbər verir ki, görüşü Belarus Futbol Federasiyasından hakimlər idarə edəcək.
Baş hakim Sergey Tsunkeviçdir. Ona Yevgeni Ramanau və Vitali Maliutsin köməklik edəcək. Dördüncü hakim funksiyasını Viktar Şumusik yerin yetirəcək.
Qeyd edək ki, Tofiq Bəhramov adına Respublika stadionunda keçiriləcək "Qarabağ" - Şerif" görüşü iyulun 25-i saat 21:00-da başlayacaq. Bu komandalar arasında cavab matçı 1 həftə sonra Moldovada keçiriləcək.
