Maliyyə Nazirliyi "Azərbaycan Beynəlxalq Bankı” ASC-nin işindəki qanun pozuntuları ilə bağlı yeni məlumat yayıb.
Belə ki, nazirliyin Dövlət Maliyyə Nəzarəti Xidmətinin (DMNX) əməkdaşları 2017-ci ilin I yarısında Daxili İşlər Nazirliyinin məktubuna əsasən 2001-ci ilin yanvar ayından 2015-ci ilin may ayına kimi olan dövrdə "Azərbaycan Beynəlxalq Bankı” ASC tərəfindən hüquqi və fiziki şəxslərə kreditlərin verilməsi, istifadəsi və qaytarılması zamanı mövcud qanunvericiliyin tələblərinə əməl edilməsi ilə bağlı 50 hüquqi və 5 fiziki şəxs üzrə aparılmış nəzarət tədbirlərini yekunlaşdırıb.
Bu barədə Modern.az-a Maliyyə Nazirliyinin mətbuat xidmətinmdən məlumat verilib.
Bildirilib ki, sözügedən işdə aşkar edilmiş nöqsanlara hüquqi qiymət verilməsi üçün yoxlama materialları aidiyyəti üzrə Daxili İşlər Nazirliyinə göndərilib, 2 hüquqi şəxs üzrə nəzarət tədbirləri hal-hazırda davam etdirilir.
