Göyərtəsində BMT sülhməramlılarının olduğu helikopter qəzaya uğrayıb. Modern.az xəbər verir ki, hadisə Malinin şimalında baş verib. BMT sülhməramlı kontingentinə məxsus hərbi helikopterin qəzası zamanı göyərtədə 2 almaniyalı hərbçi olub. Onların taleyi barədə hələ ki, məlumat yoxdur.
BMT missiyasının nümayəndəsi Əhməd Makayl “Tiger” helikopterində Almaniya vətəndaşlarının olduğunu təsdiqləyib.
Qeyd edək ki, BMT Təhlükəsizlik Şurasının qərarı ilə Malidə BMT-nin 12 minlik sülhməramlı missiyası (MINUSMA) fəaliyyət göstərir. Həmçinin, ölkədə Fransa ordusunun 4 minlik kontingenti yerləşdirilib.
Modern.az