Yevlax Mərkəzi Xəstəxanasında baş verən yanğının səbəbi açıqlanıb.
Bu barədə Modern.az-a Fövqəladə Hallar Nazirliyinin (FHN) mətbuat xidmətinin rəhbəri Oqtay Bayramov məlumat verib.
O qeyd edib ki, xəstəxananın 3-cü və 4-cü mərtəbələri arasında yerləşən şaxtada kabel alışıb:
“Elektrik kabeli yanğına səbəb olub”.
O.Bayramov deyib ki, ilkin məlumata görə, yanğın zamanı xəsarət alan olmayıb:
“Xəstəxana personalı və iki nəfər yataq xəstəsi təxliyə olunub”.