Modern.az

Kimsə xoşuna gəlirsə, onu ürəyində gizlətmə, söylə - ŞƏRQ MÜDRİKLƏRİNİN SAĞLAMLIQ DÜSTURU

Kimsə xoşuna gəlirsə, onu ürəyində gizlətmə, söylə - ŞƏRQ MÜDRİKLƏRİNİN SAĞLAMLIQ DÜSTURU

Ədəbi̇yyat

27 İyul 2017, 22:44

Sağlam olmaq üçün düzgün qidalanma, sağlam həyat tərzi nə qədər vacibdirsə xoşbəxtliyini təmin edəcək qarşılıqlı anlaşma, düzgün qurulmuş münasibətlər, həyata normal baxış da bir o qədər vacibdir. Sağlamlığın birbaşa xoşbəxtliklə əlaqəli olduğunu vurğulayan şərq müdrikləri xoşbəxt olmağın bir o qədər də çətin olmadığını və hər şeyin insanın özündən asılı olduğunu söyləyiblər.

Modern.az saytı mövzu ilə bağlı yazını təqdim edir.

1. Kimsə xoşuna gəlirsə onu ürəyində gizlətmə, söylə.

2. Xoşuna gəlmədiyin hadisələr, yaxud insanlar haqqında fikirlərini də ürəyinə yük etmə, onları da söylə.

3. Kiməsə görə darıxırsansa çəkinmədən zəng vur.

4. Sənə aydın olmayan mətləbləri soruş, bunu eyib sayma.

5. Görüşmək istədiyin insan varsa onu görüşə dəvət et.

6. Sənə lazım olanı istəməyə utanma.

7. Heç vaxt mübahisə etmə.

8. Aydın insan olmağı istəyirsənsə, ilk növbədə anlatmağı bacar.

9. Əgər günahın varsa, bu barədə dərhal etiraf et, özünə bəraət qazanmağa çalışma.

10. Ətrafındakı insanlarla sənin fikirlərin üst-üstə düşməyə bilər. Buna görə narahat olma. Hər insanın özü qəbul etdiyi bir həqiqəti var.

11. Pis adamları ətrafına buraxma.

12. Həyatda əsas məhəbbətdir, qalanları boş şeydir.

13. Unutma ki, insanın problemi yalnız onun başında yerləşir. Hər şeyi problem kimi qəbul etmə.

14. Düşünmə ki, dünya ya qəzəbli, ya da mərhəmətlidir. Dünya sənin mövcudluğunun heç fərqinə belə varmır.

15. Hər bir hadisədən zövq almağa çalış.

16. Səni bezdirən, usandıran, yoran insanlardan uzaq ol.

17. Birdəfəlik beyninə həkk et ki, sənin heç kimə borcun yoxdur.

18. Onu da yadında saxla ki, heç kim də sənə borclu deyil.

19. Zövq almaq üçün vaxtını və pulunu əsirgəmə.

20. Həyatda yalnız özünə güvən.

21. Öz duyğularana, hisslərinə inan.

22. Ən yaxın insanlarla münasibətdə səbrli ol, onları sonadək dinləməyi bacar.

23. Əgər əhvalın pisdirsə, kədərlisənsə, fikirləş ki, nə vaxtsa öləcəksən və onda heç bu əhval da olmayacaq.

24. Bu gününlə yaşa, ona görə ki, artıq dünən yoxdur, sabahın isə olub-olmayacağı sənə bəlli deyil.

25. Hər yaşadığın günü həyatının ən yaxşı günü kimi qəbul et.

Belə düşünmək olar ki, şərq müdriklərinin bu həyat fəlsəfəsi çox da qəliz deyil. Sadəcə bu məsləhətlərə əməl edib xoşbəxt olmağa cəhd etmək gərəkdir. Xoşbəxt olun ki, sağlıq durumunuzda da problemlər yaranmasın.

 

Telegram
Hadisələri anında izləyin!
Keçid et
Ukraynadan Rusiyaya ardıcıl zərbələr: Vəziyyət kritikdir