Modern.az

Naxçıvan DİN-i kollegiya iclasına toplandı - Nazir postundan uzaqlaşdırılan generalı kim əvəzlədi...  

Naxçıvan DİN-i kollegiya iclasına toplandı - Nazir postundan uzaqlaşdırılan generalı kim əvəzlədi...   

29 İyul 2017, 15:51

Naxçıvan Muxtar Respublikasının daxili işlər naziri, polis general-leytenantı Əhməd Əhmədov iyulun 28-də vəzifəsindən azad edilib. Naxçıvan Muxtar Respublikası Ali Məclisinin sədri Vasif Talıbov bununla müvafiq sərəncam imzalayıb. 
Xatırladaq ki, polis general-leytenantı Əhməd Əhmədov 2000-ci ildən Naxçıvan Muxtar Respublikasının daxili işlər naziri vəzifəsində çalışırdı.


Modern.az
-ın məlumatına görə, Əhməd Əhmədov yola salınandan sonra Naxçıvan Muxtar Respublikası Daxili İşlər Nazirliyində 2017-ci ilin birinci yarımilinin yekunlarına dair kollegiya iclası keçirilib.

İclasda cinayətkarlığa qarşı mübarizə, ictimai qaydanın və ictimai təhlükəsizliyin təmin edilməsi üzrə polis orqanlarının fəaliyyətinin nəticələri müzakirə olunub.

Kollegiya iclasına daxili işlər nazirinin müavini, polis general-mayoru Səbuhi Novruzov rəhbərlik edib. Məlumata görə, Naxçıvan Muxtar Respublikası Daxili İşlər Nazirliyinə də hazırda Səbuhi Novruzov rəhbərlik edir. Onun tezliklə nazir postuna təsdiqlənəcəyi bildirilir.

Kollegiya iclasında general Səbuhi Novruzov bəhs olunan dövr ərzində qazanılan uğurlardan söhbət açıb, bununla yanaşı, işdə buraxılan nöqsanları ətraflı təhlil edib, bu nöqsanların tezliklə aradan qaldırılmasını qarşıda duran başlıca vəzifə kimi kollegiya iştirakçılarının nəzərinə çatdırıb, gələcəkdə həyata keçiriləcək tədbirlərdən danışıb.
Səbuhi Novruzov muxtar respublika daxili işlər orqanlarının fəaliyyətində 2017-ci ilin 6 ayında görülən işləri dəyərləndirib. O, nizam-intizamın möhkəmləndirilməsi, ictimai asayişin və sabitliyin qorunması üçün müvafiq tapşırıqlar verib. 

Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir