Modern.az

“Müasir Azərbaycan filmlərini izləmirəm, aktyorları da tanımıram” - Rüstəm İbrahimbəyov

“Müasir Azərbaycan filmlərini izləmirəm, aktyorları da tanımıram” - Rüstəm İbrahimbəyov

2 Avqust 2017, 14:36

Avqustun 2-si Azərbaycanda Milli Kino Günü kimi qeyd edilir.

 

Azərbaycan kino sənətinin tarixi 1898-ci ildən başlayır. 

 

1920-ci ildən sonra isə Azərbaycanda sovet kinosu erası başlayıb. Həmin illərdə çəkilən “Ulduz”, “Şərikli cörək”, “Bizim Cəbiş müəllim” və digər filmlərin ideoloji xətti olsa da, onları bizə sevdirən milli ruhun, milli adət-ənənələri özündə əks etdirmələridir. Sovet İttifaqı dağıldıqdan sonra Azərbaycanda çəkilən filmlərin sayında azalma baş verib.

 

Ötən əsrin sonunda çəkilən filmlər sırasında ən çox yadda qalanları isə Qarabağ münaqişəsindən bəhs edən “Özgə vaxt”, “Biz qayıdacağıq”, “Fəryad”, “Sarı gəlin”, “Lal çinar”, “Arxada qalmış gələcək” kimi kinolentlər olub.

 

Tanınmış kinorejissor, ssenarist Rüstəm İbrahimbəyov Modern.az saytına Kino Günü ilə bağlı bunları deyib.

 

“Sovet dövründə Azərbaycanda bir-birindən maraqlı filmlər çəkilirdi. Həm istedadlı aktyorlarımız, həm də rejissorlarımız vardı. İndi də hansı sadə vətəndaşa yaxınlaşıb köhnə Azərbaycan kinosunu xəbər alsan, dərhal həm filmin, həm də aktyorların adını çəkəcək.

 

Bu da həmin dövrdə kino sənətinin çox yüksək səviyyədə inkişaf etdiyini göstərir. Bu yaşımda belə, film çəkilişlərində iştirak edirəm. Kino mənim həyatımdır. Kino üzərində o dərəcədə həvəslə çalışıram ki, səhhətimdə yaranan problemləri də unuduram. Hazırda işlərimlə bağlı gah Fransada, gah da Amerikada oluram”.

 

O, müasir Azərbaycan kinosundan da söz açıb.

 

“Müasir Azərbaycan filmlərini heç izləməmişəm. Aktyorları, rejissorları da tanımıram. Düşünürəm ki, müasir Azərbaycan kinosunu inkişaf etdirmək lazımdır”. 

Facebook
Dəqiq xəbəri bizdən alın!
Keçid et
Ukraynadan Rusiyaya ardıcıl zərbələr: Vəziyyət kritikdir