May ayının 15-17-də Rusiya Federasiyasının Sankt-Peterburq şəhərində MDB Parlament Assambleyasının 36-cı iclası keçirilib. Azərbaycan Respublikası Milli Məclisinin sədri Oqtay Əsədovun rəhbərlik etdiyi Azərbaycan nümayəndə heyəti iclasda iştirak edib.
Modern.az-ın məlumatına görə, Siyasi məsələlər və beynəlxalq əməkdaşlıq Daimi Komissiyasının iclasında Rüfət Quliyev yekdilliklə bu komissiyanın sədr müavini seçilib.
O, həmçinin komissiyada müzakirə olunan 15 məsələdən 4 üzrə çıxış edib və Azərbaycan həqiqətlərini iclas iştirakçılarının nəzərinə çatdırıb.