Hazırda Tovuz rayonun Qaralar kəndində vəziyyət stabildir.
Bu barədə Modern.az-a Qaralar kənd inzibati dairəsi üzrə nümayəndə Ramiz Süleymanov Ermənistan silahlı qüvvələrinin yaşayış məntəqəsini atəşə tutulmasından sonrakı vəziyyəti şərh edərkən bildirib.
O qeyd edib ki, kənd camaatı bu cür hallara öyrəşib:
“1998-ci ildən öyrəncəliyik. Kənd camaatı gündəlik axarında həyata davam edir”.
R.Süleymanov bildirib ki, ermənilərin kəndi atəşə tutması yaralanan 13 yaşlı Ramin Yusifovun vəziyyəti stabildir:
“Bu gün səhər xəstəxandan çıxarıldı. Hazırda evdədir. Şükürlər olsun ki, xəsarəti ciddi deyil”.
İyulun 7-də dünən Ermənistan Silahlı qüvvələri Tovuz rayonunun Qaralar kəndini atəşə tutması nəticəsində 2004-cü il təvəllüdlü Yusifov Ramin Sabir oğlu xəsarət alıb.
