Türkiyə Silahlı Qüvvələri PKK terrorçularına qarşı mübarizəni davam etdirir. Modern.az Türkiyə mediasına istinadən xəbər verir ki, Türkiyə Hərbi Hava Qüvvələri İraqın Avaşin-Basyan rayonunda PKK terrorçularının mövqelərinə hava zərbələri endirib. Nəticədə 3 PKK terrorçusu məhv edilib. Bundan başqa terrorçuların silah və hərbi sursatlar anbarları da məhv edilib.
Qeyd edək ki, PPK terror qruplaşması Türkiyənin dövlət qurumlarına və vətəndaşlarına silahlı hücumlar edir. 2015-ci ilin iyul ayından PPK-nın hücumları nəticəsində 500 dinc sakin və 800 təhlükəsizlik qurumlarının əməkdaşları öldürülüb. Təhlükəsizlik qüvvələrinin keçirdikləri əməliyyatlar zamanı 10 min PKK terrorçusu öldürülüb və ya həbs edilib.
Modern.az