Modern.az

Bu jurnalistlərin övladları tələbə adı qazandılar - SİYAHI

Bu jurnalistlərin övladları tələbə adı qazandılar - SİYAHI

12 Avqust 2017, 10:43

Dövlət imtahan Mərkəzi (DİM) 2017/2018-ci tədris ili üçün Azərbaycan Respublikasının ali təhsil müəssisələrinə qəbul olunmuş abituriyentlərin nəticələrini elan edib.
Tələbə adı qazanmış şəxslər avqustun 15-dən 25-dək sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər.
Ali təhsil müəssisələrinin müsabiqəsində 42804 abituriyent iştirak edib. Onlardan 36381 nəfəri ali təhsil müəssisələrinə qəbul olunub. 11728 nəfər dövlət sifarişi əsasında, 24653 nəfər isə ödənişli əsaslarla təhsil almaq hüququ əldə edib.

Boş qalan yerlərə ixtisas seçimi avqustun 15-dən 19-dək internet vasitəsilə aparılacaq.


Modern.az saytı xəbər verir ki, tələbə adı qazanmış gənclər arasında xeyli jurnalist övladı da var.

“Yeni Müsavat” qəzetinin əməkdaşı Aygün Muradxanlının qızı Könül Qərb Universitetinin tərcüməçilik fakültəsində təhsil alacaq.

Modern.az saytının baş redaktoru Əfqan Qafarlının qızı Fidan Bakı Dövlət Universitetinin Azərbaycan dili və ədəbiyyatı müəllimliyi ixtisasına qəbul olunub.

Tanınmış jurnalist Seymur Verdizadənin oğlu Şahin Bakı Mühəndislik Universitetinin dünya iqtisadiyyatı (ingilis dili) ixtisasına qəbul olunub.

Bilik Fondunun İnformasiya sektorunun əməkdaşı, tanınmış jurnalist Ramilə Qurbanlının qızı Şəms Azərbaycan Dillər Universitetinin alman dili müəllimliyinə qəbul olunub.

Basta.info saytının baş redaktoru Mustafa Hacıbəylinin qızı Humay Xəzər Universitetində ingilis dili müəllimliyi ixtisasına yiyələnəcək.

“Trend” İnformasiya Agentliyinin Mədəniyyət departamentinin rəhbəri Vüqar İmanovun oğlu Əli Azərbaycan Dövlət İqtisad Universitetinin İnformasiya texnologiyaları fakültəsində oxuyacaq.

“Lent.az” saytının əməkdaşı Səbinə Əvəzqızının övladı Banuçiçək də tələbə adı qazanmış abituriyentlər sırasındadır.

“Vətəninfo.az” saytının baş redaktoru Nahid Canbaxışlının oğlu Faiq Azərbaycan Dövlət Bədən Tərbiyəsi və İdman Akademiyasında İdman menecmenti və kommunikasiya fakültəsinə qəbul olunub.

Jurnalist Azər Sarıoğlunun oğlu Tofiq ali təhsili xaricdə - Macarıstandakı universitetdə alacaq. O, Macarıstanın Szeged universitetinin iqtisadiyyat fakültəsinə qəbul olunub.

“Veysəloğlu” Şirkətlər qrupunun mətbuat katibi İlham Məmmədzadənin qızı Məryəm Azərbaycan Dövlət Tibb Universitetində oxuyacaq..

“10may.az” saytının rəhbəri Eldəniz Elgünün qızı Aysu Türkiyə universitetində kliniki psixologiya üzrə ali təhsil alacaq.

“Reytinq” qəzetinin redaktoru Fazil Əhmədin qızı Lamiyə Azərbaycan Dövlət Dillər Universitetinə qəbul olunub.

“Olaylar” İnformasiya Agentliyinin redaktoru Fatma Abasquliyeva da tələbə anası olub,  oğlu Əli ADA Universitetində təhsil alacaq.

Tanınmış jurnalist Ceyhun Musaoğlunun qızı Ləman Musayeva Azərbaycan Texniki Universitetinin Materialşünaslıq mühəndisliyi fakültəsinə daxil olub.  

Atatürk Mərkəzinin şöbə müdiri, Dünya Gənc Türk Yazarlar Birliyi Məsləhət Şurasının başqanı Əkbər Qoşalının oğlu Tural Azərbaycan Dövlət Neft və Sənaye Universitetinin "Proseslərin avtomatlaşdırılması mühəndisliyi" ixtisasına (tədris: İngilis dilində; dövlət sifarişli) qəbul olunub.

“MİR” Dövlətlərarası Teleradio Şirkətinin Azərbaycan Milli Nümayəndəliyinin əməkdaşı Mübariz Hacıyevin qızı Səbinə 670 balla ADA Universitetinin biznesin idarə edilməsi (tədris ingilis dilində) ixtisasına daxil olub.

"Yeni Müsavat" qəzeti baş redaktotunun 1-ci müavini Azər Ayxanın oğlu Ayxan Abbaslı IELTS və SAT beynəlxalq imtahan proqramı üzrə iki universitetə qəbul olub. Bunlar Praqanın (Çexiya) Çarlz Universitetinin maliyyə bank fakültəsi və Hollandiyanın Rotterdam Universitetidir. Ayxan bu iki universitetdən birini - Çarlz Universitetini seçib. 1 ay sonra o, təhsil almaq üçün Praqaya gedəcək. 

Bakı Slavyan Universitetinin Filologiya və jurnalistika fakültəsinin "Jurnalistika" kafedrasının dosenti Mübariz Əhmədovun qızı Gülanə Azərbaycan Dövlət İqtisad Universitetinin iqtisadiyyat ixtisası (tədris türk dilində, əyani) üzrə tələbəsi adını qazanıb.

Axar.az saytının əməkdaşı Faiq Balabəylinin oğlu Tural da tələbə adına layiq görülüb. Özü də 3-cü dəfə. 2008-ci ildə Elm Təhsil Mərkəzi -"Təfəkkür" Universitetinin Ümumi İqtisadiyyat və Maliyə Kredit fakültəsinə, 2013-cü ilə Bakı Slavyan Universitetinin Yaradıcılıq fakultəsinin tələbəsi olmuş Tural, bu dəfə Azərbaycan Dövlət Dəniz Akademiyasında gəmi naviqasiya mühəndisi ixtisası üzrə təhsil alacaq.

Cebhe.info saytının redaktoru Elnarə Kərimovanın oğlu Araz da bu il tələbə adını qazanmış abituriyentlər sırasındadır. Araz Türkiyədə üç universitetə daxil olmaq şansı qazanıb. İndi qalır onlardan ən yaxşısını seçmək...

Instagram
Gündəmdən xəbəriniz olsun!
Keçid et
Bakıdan Ermənistana xəbərdarlıq: Kəndləri boşaldın,ya da...