Milyarder Corc Sorosun terrorçu elan olunması və bütün əmlakının əlindən alınması ilə bağlı Ağ evin saytında yaradılan petisiyanı 100 mindən çox adam imzalayıb.
Bu haqda Modern.az xarici KİV-ə istinadla xəbər verir.
"Corc Sorosun qəsdən və daimi əsasda qeyri-sabitlik yaratmağa və ya Birləşmiş Ştatlara və onun vətəndaşlarına qarşı başqa zorakılıq aktları tətbiq etməyə cəhd göstərdiyini nəzərə alaraq, ABŞ-ın federal hökuməti və Ədliyyə Nazirliyi dərhal Corc Sorosu və onun təşkilatının bütün üzvlərini terrorçu elan edib, qanun çərçivəsində onun və onun strukturlarının bütün aktivlərini əlindən almalıdır"- petisiyanın mətnində deyilir.
Qeyd edək ki, C.Soros "Soros Fund Management" Fondunun təsisçisidir və dünyanın ən zəngin insanları sırasında yer alır. O, "rəngli inqilablar"ın sponsoru kimi də tanınır.