Son vaxtlar mərasim evlərində qiymətlər artır. İlk vaxtlar adambaşı menyu hesabı ilə qiymətlər 5-6 manatdan başlayırdısa, indi minimal qiymət 10 manatdır.
Modern.az "Xəzər xəbər"ə istinadən xəbər verir ki, hətta elə mərasim evləri var ki, menyu qiyməti 20 manatı keçir. Orta vəziyyətli mərasim evlərinin 1 günlük kirayə qiymətləri 300-500 manat arasında dəyişir və bu da zalın genişliyindən asılıdır. Menyu qiymətləri isə 10 manatdan başlayaraq 15 manata qədər artır.
Yalnız bir nəfər - metronun "Memar Əcəmi" stansiyasının yaxınlığında yerləşən mərasim evinin sahibi Vüqar Rüstəmov bildirib ki, istənilən halda müştərilərlə qiymətdə razılığa gəlinir. Ancaq elə müştərilər də olur ki, menyuya əlavələr etmək istəyir.