“Azərbaycan Hava Yolları” (AZAL) QSC sentyabrın 16-da təxirə salınmış Bakı-London reysi ilə bağlı məlumat yayıb.
Modern.az xəbər verir ki, şirkət reysin təxirə salınmasını slot vaxtının bitməsilə əlaqələndirib:
“Sentyabrın 16-da AZAL J2-007 (Bakı-London) reysində texniki səbəbdən yaranan gecikmə ilə əlaqədar olaraq, bu reysin Londona gəlməsi Hitrou Hava Limanı (LHR) tərəfindən slot vaxtının bitməsi səbəbindən ləğv olunub. Bu reys Bakı vaxtı ilə bu gün saat 18:05-ə planlaşdırılan reys ilə birləşdiriləcək. Təyyarənin yerli vaxtla saat 21:05-də Londona enməsiplanlaşdırılır. Gecikən sərnişinlər öz istəkləri ilə digəraviaşirkətlərin təyyarələri ilə Bakıya göndərilib, həmçinin oteldəyerləşdirilib.
”AZAL yaranan narahatlığa görə sərnişinlərdən üzr istəyib.
