Niderlandda minlərlə qadın məhkəmənin küçədə ehtiyacı ödəməklə bağlı qərarına etiraz etmək məqsədilə aksiya keçirəcək. Modern.az "Trend"ə istinadən xəbər verir ki, paytaxt Amsterdamda 2 il öncə küçədə yüngül bayıra getdiyi üçün 140 avro cərimə olunan 23 yaşlı Qerte Pininq adlı qadının şikayəti məhkəmənin qərarı səbəbindən ölkədə böyük əks-səda doğurub.
Amsterdam məhkəməsi şəhərdə bir çox yerlərdə olan və kişilər üçün nəzərdə tutulan pisuarlardan qadınların da istifadə edə biləcəyini bəyan edərək, Q.Pininqin ayrı-seçkilik adı altında şikayətini əsassız sayıb.
Minlərlə holland qadın bu qərara etiraz etmək üçün paytaxtda etiraz keçirməyi qərara alıb.
Lakin sentyabrın 22-nə planlaşdırılan aksiya iştirakçılarının sayının çox olacağı ehtmalına görə təhlükəsizlik səbəbindən ləğv olunub. Bunun əvəzində qadınlar pisuardan istifadə edərkən fotolarını çəkib sosial şəbəkələrdə paylaşmaqla etiraz edəcəklər.
