İstanbul polisi İŞİD terrorçularına qarşı növbəti əməliyyat keçirib. Modern.az Türkiyə mediasına istinadən xəbər verir ki, antiterror əməliyyatı çərçivəsində İstanbulda 15 binada axtarış aparılıb. Əməliyyat nəticəsində İŞİD qruplaşması ilə əlaqədə şübhəli bilinən 36 nəfər saxlanılıb. Saxlanılanlardan bir neçəsi Suriya və İraqda İŞİD sıralarında döyüşməkdə şübhəli bilinirlər. Qruplaşmaya aid xeyli sayda sənəd və elektron avadanlıq götürülüb.
Qeyd edək ki, saxlanılanların 31 nəfərinin əcnəbi olduğu bildirilir.