“İrəli” gənclərinin də iştirak etdiyi azərbaycanlı gənclərdən ibarət komanda Şərq tərəfdaşlığı ölkələrinin birlikdə keçirdiyi layihədə ölkəmizi təmsil edir.
Modern.az xəbər verir ki, “İncəsənətlə birləşən gənclər” (Connecting Youth Through Art: EU-EaP Summer Camp 2017) layihəsi Gürcüstan Respublikasının Gənclər və İdman Nazirliyi tərəfindən həyata keçirilir. Layihədə müxtəlif ölkələrin incəsənət növləri, mədəniyyətlərindən bəhs olunur. Hər ölkə öz mədəniyyət nümunələrini-milli yeməkləri, rəqsləri və. s nümayiş etdirir. Gürcülərin mədəniyyət günləri də olur. Şərq tərəfdaşlığı ölkələrinin birlikdə keçirdiyi layihədə Ümumilikdə 10 ölkədən 100-ə yaxın gənc iştirak edir.
“İncəsənətlə birləşən gənclər” Avropa birliyinin maliyələşdirdiyi və şərq tərəfdaşlığı ölkələrinin iştirak etdiyi bir layihədir.
Azərbaycanlı gənclər də öz növbəsində layihə zamanı təqdimatlarını-Azərbaycan musiqisi, milli mətbəximiz, milli rəqslərimiz, şirniyyatlarımızı, suvinerlərimizi təqdim edəcəklər.
