Çempionlar Liqasının qrup mərhələsinin ikinci oyunları çərçivəsində baş tutacaq "Qarabağ" - "Roma” (İtaliya) qarşılaşmasından öncə keçiriləcək son məşqlərin vaxtı açıqlanıb.
“Qarabağ”ın mətbuat xidmətindən Modern.az-a verilən məlumata görə, komandamızın son məşqi sentyabrın 26-da saat 17:30-da Suraxanı qəsəbəsində yerləşən bazada baş tutacaq. Məşqin ilk on beş dəqiqəsi mətbuat və azarkeşlər üçün açıq olacaq. Bundan öncə "Azərsun Arena"nın mətbuat zalında baş məşqçi Qurban Qurbanov saat 17:00-da media mənsublarının önünə çıxacaq.
“Roma”nın baş məşqçisi isə saat 18:30-da Bakı Olimpiya Stadionunun mətbuat zalında jurnalistlərin suallarını cavablandıracaq. İtaliya təmsilçisinin son məşqi isə saat 19:00-da qarşılaşmanın keçiriləcəyi stadionda baş tutacaq.