20 oktyabr 2017, Cümə
Ana Səhifə - MÜSAHİBƏ - “Bazara nəzarət edən qruplar Rəqabət Məcəlləsinin qəbuluna mane olurlar” - MÜSAHİBƏ  
“Bazara nəzarət edən qruplar Rəqabət Məcəlləsinin qəbuluna mane olurlar” - MÜSAHİBƏ  
11.10.2017, 11:11

Vahid Əhmədov: “Bəzi istehsalçılar öz aralarında danışıqlar aparıb, qiymətləri qaldırırlar”

Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov Modern.az saytının suallarını cavablandırıb. Onunla müsahibəni təqdim edirik.

 

- Vahid müəllim, parlament yaxın günlərdə “2018-ci il dövlət büdcəsi haqqında” qanun layihəsini müzakirəyə çıxaracaq. Yeni büdcədən gözləntiləriniz nədir?

- Hesab edirəm ki, 2018-ci ilin büdcəsi müəyyən artımla Milli Məclisə təqdim olunacaq. Mənim aldığım məlumata görə, ümum daxili məhsulda (ÜDM) artım olacaq. Büdcənin həm gəlir, həm də xərc hissəsi 20 milyard manat nəzərdə tutulub. 2017-ci ildə əsaslı vəsait qoyuluşu cəmi 2,5 milyard manat idisə, 2018-ci ildə 4-4,5 milyard manat nəzərdə tutulub. Neftin bir barelinin qiyməti 45 dollar səviyyəsində götürüləcək. Ümumiyyətlə, 2018-ci ilin dövlət büdcəsində artımlar olacaq. Həmçinin, Prezident İlham Əliyev hər zaman sosial sahəyə böyük diqqət yetirir. Büdcənin 30-33 faizi də sosial layihələrə yönləndiriləcək.  Bura müavinətlər, əmək haqqı, pensiyalar və s. daxildir. Bu artım neftin hesabına yox, qeyri-neft sektorunun inkişafı hesabına əldə edilib.

- Parlamentin son iclasında bank rəhbərlərinin Milli Məclisə çağrılması ilə bağlı məsələ qaldırdınız. Amma görünür ki, bank rəhbərləri bu çağırışa əhəmiyyət vermirlər.  Bunun səbəbi nədir?

- Bank sistemi ilə əlaqədar ölkə başçısının da müəyyən iradları var. Yadınızdadırsa,  keçən il Prezident İlham Əliyev hökumətin hesabatında çıxış edərkən dedi ki, 2016-cı ildə Azərbaycan iqtisadiyyatına ən çox ziyanı bank sistemi vurub. Bundan sonra bank sistemində müəyyən islahatlar həyata keçirməyə başladılar. Maliyyə Bazarlarına Nəzarət Palatası bankların diaqnostikasını apardı. Müəyyən banklar bağlandı.  Mən heç vaxt bankların bağlanmasının tərəfdarı olmamışam. Hesab edirəm ki, Azərbaycanda bu qədər bankın olması çoxdur. Bu banklar birləşməlidir. Hazırda ölkədə 43 bankdan 32-si fəaliyyət göstərir. Bu da çoxdur. Azərbaycanda 15-16 bank bəsdir ki, normal fəaliyyət göstərsin. Bu gün bankların sağlamlaşdırılmasından söhbət gedə bilməz. Banklarda yenə də kredit faizləri yüksəkdir, müəyyən problemlər var. Vaxtı keçmiş kreditlərin məbləği keçən il 1,6 malyard manat idisə, hazırda 1,8 milyard manatdan çoxdur. Hələ bu məbləğ artmaqda davam edir. Ona görə də parlamentdə təklif etdim ki, bank rəhbərlərini Milli Məclisə çağıraq. Məsləhətləşmələr aparaq. Onların da müəyyən dərdləri var. Çünki Azərbaycanda 2016-cı ildə gedən iki devalivasiyadan sonra bank sistemində ciddi problemlər yaranıb. İlham Əliyev 2003-cü ildə prezident seçiləndən sonra Azərbaycanda vəsaitlər əsasən infrastruktur layihələrə yönəldilib.  Yəni, su, qaz, elektrik enerjisi, yolların təmirinə və tikintisinə çoxlu vəsaitlər xərclənib. Bununla da dövlət öz üzərinə düşən vəzifəni yerinə yetirib. Amma indi ölkədə bank sistemi işləməlidir. Əhalinin, sahibkarın banklarla bağlı şikayəti olmamalıdır. Hər şeyi dövlətin üzərinə yıxa bilmərik.

- Son zamanlar qiymətlərdə süni və digər yollarla artımlar müşahidə olunur. Sizcə bunun səbəbi nədir?


- Qiymət siyasəti ümumiyyətlə çox ciddi bir problemdir. Düzdür, bu siyasətin aparılmasında müəyyən addımlar atılır. Müəyyən mallar var ki, Tarif Şurası onların qiymətlərini tənzimləyir. Amma elə mallar da var ki, onun qiymətini bazar tənzimləyir. Bazarda da mal çox olanda qiymətlər normal vəziyyətdə olur. Əgər mal çox deyilsə, bəzi istehsalçılar öz aralarında danışıqlar aparıb qiymətləri qaldırırlar. Bu da bazara öz təsirini göstərir. 10 ildən artıqdır ki, mən və həmkarım Əli Məsimli bildiririk ki, Azərbaycanda Rəqabət Məcəlləsi qəbul olunmalıdır. Rəqabət Məcəlləsinin qəbul olunmasında əsas məqsəd istehsalçılarla istehlakçılar arasında qiymət stabilliyi yaratmaqdır. Mən demirəm ki, bu gün biz Rəqabət Məcəlləsini qəbul etsək, sabah hər şey düzələcək. Amma yeni yaradılacaq orqan bu məsələlərə baxacaq, araşdırmalar aparacaq.

- Sizcə, Azərbaycanda Rəqabət Məcəlləsinin qəbulu niyə gecikir?

-  Azərbaycanda bazara nəzarət edən müəyyən qruplar var. Onlar bazarı əldən vermək istəmirlər. Ona görə də bu Məcəllənin qəbul edilməsində maraqlı deyillər. Çünki Rəqabət Məəlləsi qəbul edildikdən sonra bazarda rəqabət olacaq. Hər bir sahibkar öz malını satanda problemlə üzləşməyəcək. Ona görə də Rəqabət Məəlləsinin qəbul olunmasına mane olanlar var.  Biz 10 ildir ki, bunu qəbul edə bilmirik. Hazırda cənab prezident bu məcəllənin qəbul edilməsini Strateji Yol xəritəsinə daxil edib. Mütləq bu Məcəllə qəbul olunmalıdır.

- Siz həmkarınız Əli Məsimli ilə “Reklam haqqında” qanun layihəsi hazırladınız. Sənəd parlamentdə qəbul edildi və ölkə başçısı tərəfindən təsdiqləndi. Qanunun icrası sizi qane edirmi?

- Qanun icrası ilə bağlı çox böyük problemlər var.  Bu yaxınlarda cənab prezident Reklam Agentliyinin yaraılması haqqında sərəncam da imzaladı.  Hələ ki, bu agentliyin nizamnaməsi təsdiq olunmayıb. Reklam sahəsindən dövlət büdcəsinə gələn vəsait çox aşağıdır. Haradasa 50-60 milyon manatdır. Amma bu həmin məbləğdən 8-10 dəfə artıq olmalıdır.  Faktiki olaraq müəyyən təşkilatlar və məmurlar reklamlardan gələn gəlirləri mənimsəyirlər.  Düzgün hesabat, statistika vermirlər.  Yəqin ki, yeni agentlik bu işin öhdəsindən gələcək. Amma hazırda qanunun icrası ilə bağlı problemlər var. Biz qanunda özünütənzim mexanizmlərini qurmuşuq.  Burada dövlətin, müəyyən təşkilatların rolunu müəyyən etmişik. Bu gün Azad Reklamçılar İttifaqı var. Amma onlar faktiki olaraq bu sahə ilə bağlı heç nə edə bilmirlər. Çünki bu qanunun icrası ilə əlaqədar müəyyən problemlər var. Daha çox da sponsorlu reklamlarla bağlı problemlər var. Reklam isə mətbuatın və digər sahələrin gəlir mənbəyidir.

 

-Vahid müəllim, bayaq vurğuladınız ki, Azərbaycanda problemli kreditlərinin həcmi 1,8 milyardı ötüb. Demək olar ki, bu kreditləri ödəyən də yoxdur. Bu problem nə zaman həll edilə bilər? Sizin bununla bağlı təklifləriniz nədir?


-
Problemli kreditlər Azərbaycanın maliyyə bazarına çox ciddi təsir edir. Elə bir həddə çatıb ki, bunun üçün ayrıca bir qanun hazırlanmalıdır. Çünki elə kreditlər var ki, onlar qaytarılmayacaq.  Qaytarılmayan kreditlər silinməlidir. Elə kreditlər var ki, banklar ona diqqətlə yanaşmalıdır. Hətta elə kreditlər də var ki, onlara Mərkəzi Bank baxmalıdır. Biz dollarla olan kreditlərlə bağlı təkliflər vermişdik.  Çox təəssüflər olsun ki, həmin təkliflərə reaksiya verilmədi. Dollarla olan kreditləri təkcə əhalinin yox, bankların, dövlətin üzərinə bölüşdürməklə kreditlərin qaytarılmasına müəyyən qədər nail olmaq olar. Bank sistemi üzərində çox ciddi işlər aparılmalıdır. İslahatlara çox böyük ehtiyac var. Banklar əvvəlki kimi işləyə bilməz. Dövlət bu istiqamətdə öz işini görüb. Artıq banklar əhali ilə işləməlidir ki, problemli kredit problemi olmasın.

-Azərbaycan idxaldan asılılıqdan tam azad ola bilərmi? İdxaldan asılılıq müəyyən problemlərin olmasına gətirib çıxarır..

- Elə bir dövlət yoxdur ki, idxaldan tam azad olunsun. Elə məhsul var ki, onu istehsal etməkdənsə idxal etmək daha sərfəlidir. Strateji Yol Xəritəsində əsas məqsəd idxalı azaltmağa yönəlib. Son zamanlar cənab prezident sənaye zonalarının yaradılmasına daha çox önəm verir. Balaxanıda və Sumqayıtda Sənaye Zonası yaradıldı və bir hissəsi istifadəyə verildi.
Sumqayıtda kimya və gübrə ilə əlaqədar digər müəsissələr istifadəyə veriləcək. Burada əsas məqsəd ondan ibarətdir ki, Azərbaycanda qeyri-neft sektoru inkişaf etsin və yeni iş yerləri yaradılsın.

 

-2018-ci ildə Azərbaycanda prezident seçkiləri keçiriləcək. Bəzi iddialar var ki, bununla bağlı şimaldan və ya Qərbdən Azərbayaca təzyiqlər artıb.  Bəs siz necə hesab edirsiniz?

- Həmişə Azərbaycana seçkilər ərəfəsində müəyyən təzyiqlər və təhdidlər olur. Hər bir dövlət istəyir ki, onun siaysətinə uyğun olan şəxsi gətirib Azərbaycanda  hakimiyyətin başına qoysun. Mən deyə bilmərəm ki, belə hallar bu dəfə Azərbaycanda olmayacaq. Amma mən Azərbaycanda ciddi problem görmürəm. Ölkədə gedən iqtisadi, siyasi islahatlar onu göstərir ki, xalq İlham Əliyevə etibar edir. Yəqin ki, 2018-ci ildə də İlham Əliyev YAP-dan öz namizədliyini irəli sürəcək. Amma ola da bilər ki, başqa namizəd də olsun. Çünki müəyyən adlar səsləndirilir. İlham Əliyev Azərbaycan üçün lazımlı şəxsdir. Əlbəttə, Azərbaycana təzyiqlər həddən artıq çoxdur. Bu təziqlər indi də var. Avropanın bizə ikili standartlarla yanaşması, Qarabağ məsələsinin həll olunmaması Azərbaycana təzyiqlərdən ötəri saxlanılır. Azərbaycanın ən böyük üstünlüyü stabil dövlət olmasındadır. Azərbaycanda nə dini, nə ekstremist problemi yoxdur. İnvestorların da marağı stabillik olan ölkələrə yönəlir. Bu gün Azərbaycana qarşı Avropa Şurası və digər dövlətlər tərəfindən təzyiqlər var.  Təbii ki, bəzi böyük dövlətlər öz marağını Azərbaycanda gerçəkləşdirmək istəyir. 1994-cül ildə “Əsrin müqaviləsi” imzalananda Azərbaycana çoxlu təzyiqlər oldu. Dövlət çevirilişləri etmək istədilər. 2013-cü ildə İlham Əliyev çox böyük layihə olan TAP və TANAP-a imza atdı. Onda da istəmirdilər ki, istehsal olunan qazı Türkiyə vasitəsilə Avropaya çıxaraq. Dövlət başçısı hər zaman Azərbaycanın müstəqilliyini ön plana çıxarır. Həmçinin, xalqın mənafeyini qabardır. Ondan sonra digər məsələlərə toxunur.


Mirmahmud KAZIMOĞLU
Xəbərin müəllifi
xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Əbülfəs Qarayev Biləsuvarda vətəndaşları qəbul edib
20.10.2017, 14:24

Əbülfəs Qarayev Biləsuvarda vətəndaşları qəbul edib

Gələn il ipotekaya ayrılacaq pulun MƏBLƏĞİ 
20.10.2017, 14:08

Gələn il ipotekaya ayrılacaq pulun MƏBLƏĞİ 

Büdcədən AXC-nin 100 illiyi üçün 5 milyon manat ayrılacaq
20.10.2017, 13:58

Büdcədən AXC-nin 100 illiyi üçün 5 milyon manat ayrılacaq

Niderland səfiri: “Azərbaycan kimi biz də böyük güclərlə əhatə olunmuşuq”
20.10.2017, 13:53

Niderland səfiri: “Azərbaycan kimi biz də böyük güclərlə əhatə olunmuşuq”

Mərkəzi Kəşfiyyat İdarəsi: “ABŞ Şimali Koreyanın nüvə zərbələrinə hazır olmalıdır”
20.10.2017, 13:39

Mərkəzi Kəşfiyyat İdarəsi: “ABŞ Şimali Koreyanın nüvə zərbələrinə hazır olmalıdır”

3 məsələ Milli Məclisin gündəliyindən çıxarıldı    
20.10.2017, 13:33

3 məsələ Milli Məclisin gündəliyindən çıxarıldı  

Deputat dövlət orqanlarını şəkillərə görə hörmətsizlikdə SUÇLADI
20.10.2017, 13:27

Deputat dövlət orqanlarını şəkillərə görə hörmətsizlikdə SUÇLADI

Naxçıvandakı hərbi potensial işə düşsə, Ermənistanda daş-daş üstə qalmayacaq...
20.10.2017, 13:19

Naxçıvandakı hərbi potensial işə düşsə, Ermənistanda daş-daş üstə qalmayacaq...

Poçt xidmətinin əhatə dairəsi dəqiqləşib
20.10.2017, 13:17

Poçt xidmətinin əhatə dairəsi dəqiqləşib

Əcnəbilərin Azərbaycanda yaşaması üçün tələblər dəyişdi
20.10.2017, 13:13

Əcnəbilərin Azərbaycanda yaşaması üçün tələblər dəyişdi

Bakıda həyət evlərindən oğurluq edən yaxalandı   
20.10.2017, 13:12

Bakıda həyət evlərindən oğurluq edən yaxalandı  

Milli Məclis yeni medal təsis etdi
20.10.2017, 13:11

Milli Məclis yeni medal təsis etdi

Putin Ramazan Abdulatipova yeni vəzifə verdi   
20.10.2017, 13:07

Putin Ramazan Abdulatipova yeni vəzifə verdi  

Deputat təklif verdi, Oqtay Əsədov “onsuz da xeyri yoxdur” dedi
20.10.2017, 13:06

Deputat təklif verdi, Oqtay Əsədov “onsuz da xeyri yoxdur” dedi

“Əks addım atmalıyıq” – Deputatdan ÇAĞIRIŞ
20.10.2017, 13:01

“Əks addım atmalıyıq” – Deputatdan ÇAĞIRIŞ

Naxçıvanın Konstitusiyası dəyişdi
20.10.2017, 12:56

Naxçıvanın Konstitusiyası dəyişdi

Məşhur bəstəkarlar: “İndi Şövkət Ələkbərova səviyyəsində müğənni tanımırıq”  
20.10.2017, 12:55

Məşhur bəstəkarlar: “İndi Şövkət Ələkbərova səviyyəsində müğənni tanımırıq”  

Sumqayıtda polis oğrunu tutdu
20.10.2017, 12:51

Sumqayıtda polis oğrunu tutdu

“İqtisad Məhkəməsi Ali Məhkəmənin əleyhinə qərar çıxarıb, buna Avropa Şurası neyləsin?”
20.10.2017, 12:50

“İqtisad Məhkəməsi Ali Məhkəmənin əleyhinə qərar çıxarıb, buna Avropa Şurası neyləsin?”

Sabahın hava proqnozu AÇIQLANDI
20.10.2017, 12:48

Sabahın hava proqnozu AÇIQLANDI

2018-ci ilin dövlət büdcəsinin bütün GÖSTƏRİCİLƏRİ bəlli oldu
20.10.2017, 12:35

2018-ci ilin dövlət büdcəsinin bütün GÖSTƏRİCİLƏRİ bəlli oldu

Oqtay Əsədov: “Elə bil lotereya oynayırlar”
20.10.2017, 12:31

Oqtay Əsədov: “Elə bil lotereya oynayırlar”

Sumqayıtda İran vətəndaşını öldürən dəstənin qadın üzvü də tutuldu - FOTO
20.10.2017, 12:24

Sumqayıtda İran vətəndaşını öldürən dəstənin qadın üzvü də tutuldu - FOTO

Səməd Seyidov Milli Məclisdə AŞPA-nı sərt tənqid etdi
20.10.2017, 12:22

Səməd Seyidov Milli Məclisdə AŞPA-nı sərt tənqid etdi

İlham Əliyev və Ərdoğanın iştirakı ilə D-8 Zirvə görüşü başladı - FOTO
20.10.2017, 12:14

İlham Əliyev və Ərdoğanın iştirakı ilə D-8 Zirvə görüşü başladı - FOTO

Şamaxıda avtomobil aşdı, sürücü öldü
20.10.2017, 12:13

Şamaxıda avtomobil aşdı, sürücü öldü

“Bakıda böyük partlayış olacaq” - Əməkdar memar HƏYƏCAN TƏBİLİ çaldı
20.10.2017, 12:03

“Bakıda böyük partlayış olacaq” - Əməkdar memar HƏYƏCAN TƏBİLİ çaldı

Sarkisyan Ermənistanın yeni baş naziri olacaq - İDDİA
20.10.2017, 11:56

Sarkisyan Ermənistanın yeni baş naziri olacaq - İDDİA

UNEC alimi Harvard Universitetində tədqiqat aparacaq
20.10.2017, 11:35

UNEC alimi Harvard Universitetində tədqiqat aparacaq

Kərkük yaxınlığında silahlı toqquşma baş verib
20.10.2017, 11:31

Kərkük yaxınlığında silahlı toqquşma baş verib

Tələbə qəbulu qaydalarında dəyişiklik edildi
20.10.2017, 11:27

Tələbə qəbulu qaydalarında dəyişiklik edildi

DİM: Balların hesablanması qaydası dəyişəcək
20.10.2017, 11:23

DİM: Balların hesablanması qaydası dəyişəcək

Bakıda yüksək vəzifəli məmurun kürəkəni narkotiklə tutulub
20.10.2017, 11:21

Bakıda yüksək vəzifəli məmurun kürəkəni narkotiklə tutulub

Leyla Əliyeva Musiqili Teatrda olub
20.10.2017, 11:19

Leyla Əliyeva Musiqili Teatrda olub

İnternetimiz niyə zəifdir? - Baş redaktorlar şikayət etdi, provayderlər susdu, ekspert yol göstərdi
20.10.2017, 11:11

İnternetimiz niyə zəifdir? - Baş redaktorlar şikayət etdi, provayderlər susdu, ekspert yol göstərdi

ARXİV
SORĞU
Hansı kommunal xidmətin işindən razısınız?
“Azəriqaz”(5.12%)
“Azərişıq”(27.1%)
“Azərsu”(11.2%)
“Azəristiliktəchizat”(3.07%)
Heç biri(53.3%)