Türkiyə xarici işlər naziri Mövlud Çavuşoğlu ilə ABŞ-ın dövlət katibi Reks Tillerson arasında telefon danışığı olub. Modern.az Türkiyə mediasına istinadən xəbər verir ki, təxminən yarım saat çəkən telefon danışığı zamanı tərəflər Türkiyə ilə ABŞ arasında vizaların verilməsinin qarşılıqlı olaraq dayandırılmasını müzakirə ediblər.
Qeyd edək ki, ABŞ-ın İstanbuldakı Baş Konsulluğunun bir əməkdaşının casusluqda ittiham olunaraq həbs olunmasından sonra iki ölkə qarşılıqlı olaraq viza müraciətlərini müddətsiz təxirə salıb.
