Bibiheybət məscidindən “Lökbatan” dairəsinə qədər olan hissədə nəqliyyatın hərəkəti məhdudlaşdırılır.
Bu barədə Modern.az-a Bakı Nəqliyyat Agentliyi İctimai əlaqələr və maarifləndirmə şöbəsinin müdiri Mais Ağayev bildirib.
O qeyd edib ki, buna səbəb Bibiheybət yolunun yolcizgi və yolgöstərici xətlərinin yenidən rənglənməsidir.
Rənglənmə işlərinin axşam 18:00-dək yekunlaşdırılması nəzərədə tutulur. Sözügedən ərazidə sürücülərdən diqqətli olmaları və yol hərəkəti qaydalarına uyğun hərəkət etmələri xahiş olunur.