“Sabah” qəzetinin “Qarabağ” klubunun azarkeşləri ilə bağlı hazırladığı təhqiredici yazı, mahiyyət etibarilə Türkiyə-Azərbaycan qardaşlığına ziddir və qıcıq yaradır.
Diaspor fəalı Elnur Eltürk Modern.az-a deyib ki, bu fikirləri Türk Hərəkat Partiyasının baş katibi, Makedoniya-Azərbaycan Dostluq Cəmiyyətinin, Makedoniya-Türkiyə Parlamentlərarası Dostluq Qrupunun sədri Enes İbrahim Türkiyənin “Sabah” qəzetinin “Qarabağ” klubunun azarkeşləri ilə bağlı yazısına münasibətində bildirib.
“Orada “Qarabağ”ın necə yazılmasına önəm vermək lazım deyil. “Qarabağ” bizim ürəyimizdə olan klubdur. Qarabağ sevgisini kağızda yox,ürəyimizdə yaşadırıq. “Sabah” qəzeti Qarabağı viran qoyan Ermənistan barədə sərt reportaj hazırlayıb, buraxdığı ciddi səhvini yumalıdır”,-deyə millət vəkili vurğulayıb.
