Yaponiyada parlamentinin aşağı palatasına bu gün keçirilən seçkilərdə hakim partiya öndədir. Modern.az xarici mediaya istinadən xəbər verir ki, seçkilərdə 1180 namizəd 465 deputat mandatı uğrunda mübarizə aparır. Onlardan 289-u birbaşa səsvermə, 176-sı isə proporsional nümayəndəlik qaydasında seçiləcəklər.
Parlamentdə yerlər uğrunda əsas mübarizə hakim koalisiya – Liberal Demokrat Partiyası və Komeyto Partiyası ilə müxalifətdəki Ümid Partiyası və Konstitusion-Demokratik Partiya arasında gedir.
47,7 min seçki məntəqəsi yerli vaxtla səhər saat 7.00-də açılıb və axşam saat 20.00-dək işini davam etdirəcək. Amma “Lan” qasırğasının yaxınlaşması səbəbindən ölkənin cənub və mərkəzi rayonlarında seçki məntəqələrinin əksəriyyəti yerli vaxtla saat 16.00-da bağlanıb.
Seçki məntəqələrində exit-poll-un nəticələrinə əsasən hakim koalisiyanın Liberal Demokrat Partiyası və Komeyto Partiyası öndədir.
