Filippində 5.4 bal gücündə zəlzələ olub. Modern.az xarici mediaya istinadən xəbər verir ki, yeraltı təkanlar Luson adasında, yerli vaxtla saat 22.21-də qeydə alınıb.
ABŞ Geoloji xidmətinin məlumatına görə, yeraltı təkanların episentri ölkənin paytaxt Maniladan 50 kilometr cənub-qərbdə yerləşib.
Zəlzələnin ocağı 203 kilometr dərinlikdə olub.
Dağıntılar və xəsarət alanlar haqqında məlumat daxil olmayıb.