ABŞ bu ölkəyə danışıqlara gəlmək istəyən Türkiyə Ədliyyə Nazirliyinin nümayəndə heyətinə viza verməyib.
Modern.az xəbər verir ki, bu haqda Türkiyə KİV-ləri məlumat yayıb.
Bildirilir ki, Türkiyənin 5 nəfərdən ibarət nümayəndə heyəti iki ölkə arasında yaranmış viza gərginliyinin aradan qaldırılması üçün danışıqlar aparmaq məqsədilə ABŞ-a səfər etməli imiş.
Lakin Türkiyəyə qarşı tətbiq olunan məhdudiyyət səbəbindən ABŞ Dövlət Departamenti nümayəndə heyətini viza verməyi təsdiqləməyib.