Noyabrın 19-da Prezident İlham Əliyev Sumqayıt Elektrik Stansiyasının açılışında iştirak edib. Mərasim Sumqayıt şəhər ictimaiyyətinin nümayəndələri, inşaatçılar və energetiklərin iştirakı ilə keçirilib. “Azərenerji” ASC-nin prezidenti Etibar Pirverdiyev dövlət başçısına məlumat verib ki, təməli 2005-ci il avqustun 12-də qoyulmuş 525 meqavatlıq Sumqayıt Elektrik Stansiyası istismara hazırdır. Yeni stansiya şəhərin perspektiv sosial-iqtisadi inkişafı nəzərə alınmaqla 1 nömrəli Sumqayıt Elektrik Mərkəzinin ərazisində inşa edilib. İlham Əliyev stansiyanın iş rejimi və avadanlığı ilə yaxından tanış olub.
