Əcnəbilərə ABŞ-da yaşamaq və işləmək izni verən “Green Card” lotoreyası ləğv edilə bilər. Modern.az xarici mediaya istinadən xəbər veir ki, prezident Donald Tramp bununla bağlı açıqlama verib.
Prezident bəyan edib ki, tezliklə miqrasiya vizası üçün alınan “Green Card” lotoreyasının ləğvi ilə bağlı Konqreslə işə başlanılacaq.
“Green Card” lotoreyasını tənqid edən D.Tramp bildirib ki, rəsmi Vaşinqton real xidmətlər əsasında immiqrasiyanın tərəfdarıdır: "Mən bunu çoxdan etmək istəyirdim. Bu lotereyadan ən qısa müddətdə qurtulmaq lazımdır".
Qeyd edək ki, ötən gün Nyu-Yorkda terror aktı törədən Özbəkistan vətəndaşı Seyfullo Saipov 2010-cu ildə, Dövlət Departamenti tərəfindən keçirilən “Green Card” lotereyasını qazanaraq ABŞ-a köçüb.
