21 sentyabr 2018, Cümə
Ana Səhifə - QARABAĞ - “Aprel şəhidi”nin sevdiyi xanım: “Babəkə görə neçə elçiyə “yox” demişdim” - Nakam sevginin DASTANI  
“Aprel şəhidi”nin sevdiyi xanım: “Babəkə görə neçə elçiyə “yox” demişdim” - Nakam sevginin DASTANI   +
07.11.2017, 11:42

Şəhidlər qürur, and yerimizdir. Bu qəhrəmanlar vətən, xalq uğrunda əbədiyyətə qovuşublar, bizimsə onları unutmağa heç bir haqqımız yoxdur...

Modern.az saytı “Aprel şəhidləri”nin həyat yoldaşları, sevdikləri xanımlarla silsilə yazılara davam edir. Budəfəki müsahibimiz Xüsusi Təyinatlı Qüvvələrin giziri, “Aprel döyüşləri” zamanı qəhrəmancasına şəhid olmuş Babək Abidovun istəklisi olmuş xanımdır.

Qısa arayış:
  Babək Vəfadar oğlu Abidov  3 may 1992-ci ildə Şabran rayonunda anadan olub.  

Kiçik gizir Babək Abidov 2016-cı ilin aprel ayında baş vermiş şiddətli döyüşlərdə  qəhrəmancasına şəhid olub.

Aprelin 9-u isə Babək Abidov doğulduğu Şabran rayonunun Zeyvə kəndində son mənzilə yola salınıb. O, ölümündən sonra Azərbaycan Prezidentinin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.

Baş tutmayan elçilik

Babək Abidovun sevdiyi xanımla söhbət o qədər də asan deyildi. Leyli xanım öncə atasının razılıq vermədiyi evliliyə, sonradan Allahın da icazə vermədiyini təəssüflə qeyd edib.

“Babəklə bir-birimizi sevməyimizin 4-cü ili tamam olacaqdı. Amma bizim sevgimizə atam heç cür razılıq vermirdi. Babəkin hərbçi olmağı atamın ürəyincə deyildi. O da bunu bilirdi. Babəkin ailəsi bizə elçi gələndə atam onun ordudan tərxis olunmasını rica etmişdi. Babəkin ordudan birdəfəlik tərxis olunub qayıdacağı gün bizim nişanlanmağımıza icazə verəcəyini demişdi. Atam Babəkin orduda olmasından çox qorxurdu. Babək də söz vermişdi ki, 5 illik müqaviləsi bitən kimi ordudan ayrılıb  aramıza dönəcək. Biz də uzun mücadilədən sonra atamı yola gətirdik. Elə oldu ki, bizim elçiliyimizin “hə” mərasimi başqa səbəbdən təxirə salındı. Babəkin ana nənəsi rəhmətə getmişdi. Nənəsinin 40-ı çıxan kimi elçilik olmalı idi. Yenə elə alındı ki, müharibə mövzusu ortaya atıldı. Aprel hadisələri ərəfəsində Babək mənə zəng edib dedi ki, “ay Leyli, bu elçilik məsələsi hələ qalsın. Biz o tərəflərə getməliyik”. Hətta mənimlə halallaşaraq,  “mənə bir şey olsa, qorxma” dedi. Babək çox ağır döyüşlərdə olub. Heç vaxt bu cür ümidsiz olmamışdım. 2016-cı ilin 27-si martında mənimlə halallaşdı. Amma heç getmək istəmirdi. Elə hey baxırdı. Soruşdum “Babək niyə getmirsən?”. “İçimdə nəsə bir qorxu var” cavabını verdi. Mən də narahat olmamasını, tezliklə qayıdacağını söylədim. Sonuncu gedişi zamanı çox ümidsiz idi. Hətta mənə söylədi ki, “mənə bir şey olsa, telefonu arxadakı uşaqlara verəcəm”. Çünki telefonunun koduna  mənim adımın baş hərfi və doğum tariximin ilini yazmışdı. Sonradan döyüş yoldaşı danışırdı ki, Babək ona nəsə olacağı təqdirdə həmin kodla telefona cavab vermələrini rica edib”.

“Siyahıda başqa Babək adını görəndə sevindim”


Şəhidimizin sevdiyi xanım “təki Babək şikəst gələydi, ama həyatda qalaydı” arzusunu dilə gətirib.

“Babək şəhid olanda ata-anası ilə dalaşdım ki, niyə tabutu açıb baxmadız?! Bəlkə heç Babək deyildi. Babəkin cənazəsi gətiriləndən 2 saat sonra rayona getdim. Gördüm ki, hər yerə qərənfillər düzüblər, hər tərəf qaraya bürünüb. Həmin vaxt özüm də hiss etmədən qəbri qazmışam. Bibisi də torpaqdan bir ovuc götürüb kürəyimə töküb ki, özümə gəlim. Danışdıqca, o günlər yadıma düşür. 2016-cı ilin 31 martından 3 aprelinə qədər gözümə yuxu getmədi. Nə yemək yeyir, nə də su içirdim. Hər namaz vaxtı üzü qibləyə dayanıb Allaha yalvarırdım ki, heç olmasa Babək üstümə şikəst gəlsin, ya qolunu, ya da ayağını itirsin. Amma nəfəsi gəlsin. Sonra bacısının yoldaşı ilə əlaqə saxladım. İş yoldaşımı da götürüb hospitala yollandım. Siyahıya baxanda Babək adında başqa birisi vardı. Sevindim. Amma əlaqə yarada bilmədikcə, narahatlığım daha da artırdı. Dərhal rayondakı bibim oğluna dedim ki, Tərtərə getsin və mənə Babəkin sağ olması xəbərini desin. Heç demə, Babəkin şəkli şəhid olanların siyahısında imiş. Həyatın yazılmamış qanunları varmış. Tez-tez Babəkin ata-anasından “Babəkdən xəbər yoxdumu” deyə soruşurdum. Hətta bir dəfə əsəbləşib dedim ki, “necə ata-anasınız. Gedin oğlunuzu axtarın da!””.
 



“Bəs Allah sevən ürəyə necə qıydı?!”

Leyli xanım Babəkin ürəyinə dəyən qəlpə yarasını heç vaxt unuda bilməyəcəyini bildirir.


“İnsan çox vaxt çarəsiz qalır. Babəkin meyiti düşmənlə aramızdakı neytral zonada. Digər xüsusi təyinatlı döyüşçümüz Mühüd də onun yanında həlak olmuşdu. Onları götürə bilmirdilər. Çünki oralar minalı ərazi olduğundan kimsə o meyitlərə yaxın gedə bilmirdi. Babəkin əli-ayağı yerində olub. Sadəcə, ürəyinə erməni qəlpəsi dəymişdi. Mənə indi də təsir edən Babəkin ürəyinin yaralanmasıdır. Qurban olum Allaha, bəs onun o boyda sevən ürəyini niyə belə yaraladı?! Amma onun şəhidlik zirvəsinə yüksəldiyini düşündükcə, qürur duyuram.

Babək şəhid olan günü - aprelin 3-ü gecə yuxu gördüm. Babək  üçrəngli bayrağımızı götürüb qarın üzərində hərbi geyimdə dayanmışdı. Məni də çağırırdı. Həmin yer çox hündürdəydi. “Leyli bax, gör, hardayam” söyləyirdi. Gah bayrağı götürür, gah da qarın üzərinə uzanıb bayrağı üstünə örtürdü. Mənə baxıb “niyə sevinmirsən?!” deyirdi. Yuxudan ayılanda ürəyimə damdı ki, Babək şəhid olub”.


Yarımçıq qalan xəyallar

Şəhidimizin istəklisi Babəklə olan arzularından da söz açıb. Nə arzular yarımçıq qalıbmış...

“Babək sağlığında mənə bir gəlincik almışdı. Onu hələ də şkafımda saxlayıram. Mənim də ona aldıqlarımın hamısı otağında durur. Babəklə bir-birimizi az-az görürdük. O, daim səngərlərdə, təlimlərdə olurdu. Onu az-az görsəm də, elə bilirdim ki, 5-10 dəqiqəmiz 10 ilə bərabərdir. Heç sevgimiz başacan olmadı. Yarımçıq qaldı. Fevralın 14-də gedib mətbəx mebeli sifariş edib gətizdirdi. Mənə demişdi ki, evin dizaynını sən ver, mebeli özüm yığaram. Mətbəx mebelinin şəklini mənə çəkib göndərdi ki, “bəyəndin?!”. Ordudan tərxis olunub evlənəcəkdi. Qismət olmadı. Həmin mətbəx mebeli heç bağlamadan açılmayıb. Babəkdən ötrü o qədər çox darıxıram ki! Bilsəm ki, o, qayıdacaq, hər şeyimi qurban verərəm. Onu çox sevirdim. Həyatda ancaq onu axtarıram. Babəkə olan sevgim günü-gündən artır. Silahlı Qüvvələr günündə, doğum günündə gedib onu məzarı üzərində yad etmişəm. Bununla sakitlik tapıram. Hətta anam deyir ki, özünü bu sevgi ilə xəstəliyə salma. Amma nə edim ki, alınmır. Bu sevginin qovuşmasına o dərəcədə ehtiyacım var ki! Atam mənə görə çox əzab çəkir. Yuxumda da Babəkin adını sayıqlayıram. Axı, onu canımdan çox sevmişdim. Niyə belə oldu?! Onun telefonu da məndədir. Bir dəfə yuxuda gördüm ki, telefonunun niyə məndə olmadığını  soruşur. “Sənə zəng edirəm, cavab vermirsən” deyirdi. Yuxudan ayılan kimi gedib ailəsindən telefonunu aldım. Babəkin bir sözü mənə çox pis təsir edir. Həmişə deyirdi ki, “bir sənə, bir də anama yazığım gəlir. Bacım-qardaşım nəyləsə başını qatacaq, amma siz yox”. İnsan itkisini  3-cü dəfə yaşadım. Qarabağlı olduğumdan 2 əmim oğlu şəhid olub. Birinin qız toyu olmuşdu. Qırmızı yaylığı məzarının başına bağlamışdılar. Atamın gözü ona görə qorxmuşdu”.

İlk tanışlıq, ilk sevgi...

Leyli xanım deyir ki, ilk vaxtlarda bu sevgiyə etiraz edib.

“Tibb Universitetini yenicə bitirib həkim kimi fəaliyyətə başlamışdım. Babək də həmin vaxtlarda ilk xəstəm olub. Həkim yoldaşım onların ailə həkimi idi. Babək də müayinəyə gələndə ultrasəs həkimi olduğumdan o, Babəki mənə yönləndirmişdi. Heç demə, Babək mənə elə o gün aşiq olubmuş. Amma heç xəbərim olmamışdı. Bir müddətdən sonra sevgi etirafını bildirəndə, mən etiraz etdim. Məndən yaşca kiçik olduğunu söylədim. Aramızda 8 yaş fərqimiz vardı. Amma Babək sözündən dönmədi. “Həkim hara, hərbçi hara!. Uyğunluq yoxdur” desəm də, alınmadı. Ondan uzaqlaşmağa çalışsam da, Babək əl çəkmədi. Babək xarici görünüşcə iri gövdəli olmaqla yanaşı, fikirləri və dünyagörüşü də daha zəngin idi. Ona görə də o, xüsusi təyinatlılarda xidmət edirdi. Həm də Babək fərqli xarakterə, yüksək tərbiyəyə malik idi. Böyük-kiçik yerini çox yaxşı bilirdi.

Bu yaxınlarda Babək üçün xalça sifariş vermişəm. Həmin xalçanı rayona-anasıgilə aparacam. Babək Şabrandan idi. Mən ağdamlı olduğumdan həmişə deyirdi ki, “siz tərəfə gedirəm. Torpaqları işğaldan azad edib, sənin ata evinə gedəcəm”. Babək mənim üçün başqa bir dünyanın insanı idi. Məhz onu sevdiyimə görə, nə qədər elçilərə “yox” cavabı vermişəm. Bir-birimizə qismət olmadıq. Allah taleyimizi bir-birimizə yazmadı. Həmişə deyirdim ki, çox xoşbəxtəm, qarşıma o cür oğlan çıxıb. Qızlar var ki, ya narkomanı ya da oğrunu sevir. Fəxrlə deyirəm ki, şükür Allaha, nə yaxşı, elə sevdiyim insan olub. Onun ailəsi də çox gözəl insanlardır. Babək ilk dəfə müayinə edəndə çox aqressiv cavab versəm də, o mənə bir kəlmə belə artıq söz deməmişdi. Sonralar deyirdi ki, mənə elə vurulubmuş ki, ağrılarını belə unudubmuş. Hətta, düz bir il o məni izləməklə məşğul olub. Hara gedib-gəldiyimdən tutmuş, ətrafımın kimlərdən ibarət olduğuna qədər araşdırıb. Mənə həmişə deyirdi ki, “sən mənim kişi qeyrətlimsən”.

 

 


Namidə BİNGÖL
Xəbərin müəllifi
xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Prezident: “Bunun axırı onlar üçün çox pis olacaq” - Çıxışın TAM MƏTNİ   
21.09.2018, 17:30

Prezident: “Bunun axırı onlar üçün çox pis olacaq” - Çıxışın TAM MƏTNİ  

Manat və dolların 3 günlük MƏZƏNNƏSİ
21.09.2018, 17:23

Manat və dolların 3 günlük MƏZƏNNƏSİ

Qanunsuz ov edən saxlanıldı 
21.09.2018, 17:20

Qanunsuz ov edən saxlanıldı 

İstirahət günləri səyahətə çıxanlar üçün hava PROQNOZU 
21.09.2018, 17:18

İstirahət günləri səyahətə çıxanlar üçün hava PROQNOZU 

Əbülfəs Qarayev Rusiyanın mədəniyyət nazirinin müavini ilə görüşüb
21.09.2018, 17:13

Əbülfəs Qarayev Rusiyanın mədəniyyət nazirinin müavini ilə görüşüb

Kamal Abdulladan YENİLİK: I kurs tələbələrinin aldıqları kitabların pulunu ADU verəcək
21.09.2018, 17:12

Kamal Abdulladan YENİLİK: I kurs tələbələrinin aldıqları kitabların pulunu ADU verəcək

“Yolu çəkən də bizik, yola xidmət göstərən də” - MÜSAHİBƏ    
21.09.2018, 16:50

“Yolu çəkən də bizik, yola xidmət göstərən də” - MÜSAHİBƏ  

Xaçmazda taxta sexinin icarədarı cərimələndi
21.09.2018, 16:42

Xaçmazda taxta sexinin icarədarı cərimələndi

“Nar”-dan tələbələrə ŞAD XƏBƏR 
21.09.2018, 16:27

“Nar”-dan tələbələrə ŞAD XƏBƏR 

“Salnaməfilm” Mədəniyyət Nazirliyinin sifarişi ilə yeni filmlər çəkir
21.09.2018, 16:24

“Salnaməfilm” Mədəniyyət Nazirliyinin sifarişi ilə yeni filmlər çəkir

Azərbaycanınən sürətli mobil şəbəkəsinin adı açıqlandı - FOTO
21.09.2018, 16:22

Azərbaycanınən sürətli mobil şəbəkəsinin adı açıqlandı - FOTO

Binəli Yıldırım Bakıda hədik payladı - VİDEO
21.09.2018, 16:18

Binəli Yıldırım Bakıda hədik payladı - VİDEO

Qanuna əməl etməyən şadlıq saraylarına XƏBƏRDARLIQ
21.09.2018, 15:53

Qanuna əməl etməyən şadlıq saraylarına XƏBƏRDARLIQ

AQTA maarifləndirir - İctimai iaşə obyektlərində sanitar normalar necə olmalıdır?
21.09.2018, 15:50

AQTA maarifləndirir - İctimai iaşə obyektlərində sanitar normalar necə olmalıdır?

Tullantılara görə bu şirkətlər cərimələndi
21.09.2018, 15:46

Tullantılara görə bu şirkətlər cərimələndi

Messi həftənin ən yaxşı oyunçusu seçildi
21.09.2018, 15:44

Messi həftənin ən yaxşı oyunçusu seçildi

517 milyon manat sığorta toplanıb
21.09.2018, 15:41

517 milyon manat sığorta toplanıb

Bakıda qadınlara qarşı əxlaqsızlıq edən şəxs saxlanıldı
21.09.2018, 15:40

Bakıda qadınlara qarşı əxlaqsızlıq edən şəxs saxlanıldı

Neftçilər Xəstəxanasında işdən çıxan baş direktoru kim əvəz edir? - AÇIQLAMA  
21.09.2018, 15:37

Neftçilər Xəstəxanasında işdən çıxan baş direktoru kim əvəz edir? - AÇIQLAMA  

Bütün ermənilər orada idi
21.09.2018, 15:33

Bütün ermənilər orada idi

“Cümhuriyyət parlamentinin 100 illiyində iştirak etmək möhtəşəm və qürurlu idi” - DEPUTATLAR
21.09.2018, 15:30

“Cümhuriyyət parlamentinin 100 illiyində iştirak etmək möhtəşəm və qürurlu idi” - DEPUTATLAR

Bakıda tozlu havanın səbəbləri - nazirlik tikinti şirkətlərini də SUÇLADI
21.09.2018, 15:25

Bakıda tozlu havanın səbəbləri - nazirlik tikinti şirkətlərini də SUÇLADI

Neftçilәr Xәstәxanasının baş direktoru İSTEFA VERDİ
21.09.2018, 15:21

Neftçilәr Xәstәxanasının baş direktoru İSTEFA VERDİ

Müəllim olmaq istəyənlərə ŞAD XƏBƏR 
21.09.2018, 15:10

Müəllim olmaq istəyənlərə ŞAD XƏBƏR 

Milli Məclisin xüsusi iclası başa çatdı   
21.09.2018, 15:08

Milli Məclisin xüsusi iclası başa çatdı  

İlham Əliyev: “Ermənistanın yeni rəhbərliyi öz siyasətində ciddi dəyişikliklər etməlidir”   
21.09.2018, 15:06

İlham Əliyev: “Ermənistanın yeni rəhbərliyi öz siyasətində ciddi dəyişikliklər etməlidir”  

Azərbaycanda jurnalist öz adına sayt yaratdı - HafizTimes.com
21.09.2018, 15:00

Azərbaycanda jurnalist öz adına sayt yaratdı - HafizTimes.com

UNEC-in uğur formulu - Yeni universitet modeli
21.09.2018, 14:52

UNEC-in uğur formulu - Yeni universitet modeli

BDU və UNİDA Gontor Anlaşma Memorandumu imzalayıb
21.09.2018, 14:50

BDU və UNİDA Gontor Anlaşma Memorandumu imzalayıb

İlham Əliyev və xanımı dünya çempionatının AÇILIŞINDA
21.09.2018, 14:32

İlham Əliyev və xanımı dünya çempionatının AÇILIŞINDA

Əsgər anaları Paşinyandan narazı qaldılar
21.09.2018, 14:31

Əsgər anaları Paşinyandan narazı qaldılar

İlham Əliyev Binəli Yıldırımla görüşdü - YENİLƏNİB
21.09.2018, 14:30

İlham Əliyev Binəli Yıldırımla görüşdü - YENİLƏNİB

General Lənkəranda vətəndaşları qəbul edib - FOTO
21.09.2018, 14:23

General Lənkəranda vətəndaşları qəbul edib - FOTO

Leninlə Hitler mer seçkilərində yarışır - MARAQLI
21.09.2018, 14:21

Leninlə Hitler mer seçkilərində yarışır - MARAQLI

Bərə qəzasında ölənlərin sayı 86-ya çatdı
21.09.2018, 14:08

Bərə qəzasında ölənlərin sayı 86-ya çatdı

ARXİV