Ermənistan hakimiyyəti Dağlıq Qarabağın inzibati sərhədlərindən kənarda yerləşən ərazilərdə süni məskunlaşdırma siyasətini davam etdirir.
Modern.az xəbər verir ki, Dağlıq Qarabağdakı separatçı rejimin "dövlət naziri" Araik Arutunyan Laçın, Zəngilan və Qubadlı rayonlarının ərazilərində aparılan tikinti işləri ilə maraqlanıb.
Qubadlının Xanlıq kəndində bundan öncə istifadəyə verilən 11 fərdi evlə yanaşı, daha 15 ev tikilib. Tikinti işləri “Kaşataq” fondu tərəfindən həyata keçirilib.
Bundan başqa, Araik Arutunyan Zəngilanın Mincivan qəsəbəsində icma mərkəzi, yeni məktəb binasının və suriyalı ermənilər üçün inşa olunmuş çoxmənzilli binanın tikintisi ilə tanış olub.
