17 oktyabr 2018, Çərşənbə axşamı
Ana Səhifə - GÜNDƏM - Ağsaqqal olmağı haqq edən insan  
Ağsaqqal olmağı haqq edən insan   +
15.11.2017, 11:35

Bəxtiyarsan, əgər çəkdiyin əmək
Cahan zirvəsinə versə bir çiçək.        
Hüseyn Cavid
 

           
Həyatda ağsaqqal-ziyalı-şəxsiyyət insanla rastlaşmaq çox nadir halda olur. Belə insanlar Ulu yaradandan bizə bəxş olunan sərvətdir. Nə yaxşı ki, həyatım boyu belə bir nadir insanlardan biri ilə özünə, şəxsiyyətinə, sözünə, hərəkətinə, əməlinə fikir verən, diqqət yetirən ziyalılardan olan Cavanşir müəllimlə- tanınmış məşqçi-idmançı, əməkdar bədən tərbiyəsi və idman xadimi Cavanşir Kazım oğlu Qurbanovla ünsiyyətim vardır.  

                                                                        
Əslində Cavanşir müəllimi hələ uşaq ikən tanıyırdım, baxmayaraq ki, ünsiyyətimiz yox idi. Cavanşir müəllimgilin ailəsi bizim ailəmizlə bir məhəllədə, məşhur Dağlı məhəlləsində, keçmiş 3-cü Xrebton küçəsi, 39 nömrəli evdə qonşu idilər. Mənim atam, əmim Cavanşir müəllim və onun qardaşları ilə yaxınlıq edər, uşaqlıqlarını keçirərdilər. Nənəm Azadə xanım, atam Ələsgər və əmim Əliabbas Əsgərzadə qardaşları həmişə söyləyərdilər ki, maşallah, Kazım kişinin övladları çox ağıllı və istedadlıdırlar. Öz zəhmətləri hesabına həyatda düzgün yol seçib, o yolla əzmlə irəliləyir, uğurlar qazanırlar.       
                                                                                             

Bəli, həqiqətən də bu belədir. Bu ailənin ən böyük oğlu, haqqında söz açdığım Cavanşir Qurbanov çox şərəfli, hamının həsəd apara biləcəyi bir ömür yaşayıb. Ləyaqətli, şərafətli, şöhrətli, əzəmətli bir ömür.        

                                                                                                                
Uzun illərdən sonra Cavanşir müəllimlə ilk görüşümüz 28 il öncə 1999-cu ilə təsadüf edir. O zaman Cavanşir müəllimin qardaşı professor Xanlar Qurbanovun təşəbbüsü ilə, Azərbaycan Dövlət Bədən Tərbiyəsi və İdman Akademiyasında Xalq şairi Cabir Novruzla görüş keçirilirdi. Mən də orada qonaqlar sırasında idim. Məhz o tədbirdə Cavanşir müəllimlə görüşdüm. Yeri gəlmişkən, həmin tədbirdə Akademiyanın o vaxtkı rektoru, professor Ağacan Abıyev Xalq şairi Cabir Novruza Akademiyanın “fəxri idmançı” kubokunu təqdim etmişdi. O zamandan başlayaraq, mənim Cavanşir müəllimlə ünsiyyətim başladı. Artıq biz tez-tez görüşməyə başladıq. Belə demək mümkünsə, yaş fərqinə baxmayaraq, aramızda dostluq münasibəti yarandı. Təbii ki, bu münasibətlər nə qədər isti olsa da ortada daim böyük-kiçik sərhəddi vardı. Çünki Cavanşir müəllim hər bir zaman özünü böyük kimi, ağsaqqal kimi aparırdı. İstər-istəməz onunla ünsiyyətdə olan hər bir kəs o həddi, sərhəddi gözləyirdi. Baxmayaraq ki, Cavanşir müəllim həddən artıq sadə, mülayim xasiyyətli, ağır təbiətli, zarafatçıl, mehriban biridir.    


Ünsiyyətdə olduğum bu illər ərzində dəfələrlə Cavanşir müəllimlə birgə tədbirlərdə iştirak etmişik. O, mənə daim yüksək qiymət verib, hörmətlə yanaşıb. Jurnalist kimi, təşkilatçı və aparıcı kimi fəaliyyətimə böyük dəyər verib. Təsadüfi deyil ki, onun biləvasitə təşkilatçısı olduğu tədbirlərdə mən həm ssenarist, həm də aparıcı olmuşam.

Mənə olan inamın, dəyərin nəticəsi həm də o idi ki, 2014-cü ildə oğlu Cəlal Qurbanovun müəllifi olduğu “Mən, azərbaycanlıyam” adlı klipin Heydər Əliyev sarayında keçirilən təqdimat mərasiminin ssenarisi, məhz mənə və həmkarım Müşfiq Cabiroğluya həvalə olunmuşdu. Bu gün fəxrlə Cavanşir Qurbanovun rəhbərliyi və təşkilatçılığı ilə həm Bakıda, Xızıda, həm də Siyəzəndə keçirilən tədbirləri xüsusi qeyd etmək olar. Belə tədbirlərə Cəfər Cabbarlıya, Mikayıl Müşfiqə, Məmməd Arifə, Cabir Novruza həsr olunmuş müxtəlif səpkili tədbirləri, görkəmli cərrah-alim tibb elmləri doktoru, professor, əməkdar elm xadimi Bəybala Abbasovun 80 illiyinə, tanınmış müğənni Hüseynağa Hadıyevin 70 illiyinə həsr olunmuş tədbirləri göstərmək olar. Bu tədbirlərin keçirilməsində Cavanşir Qurbanov əsl vətəndaş, ziyalı, ağsaqqal olduğunu bir daha nümayiş etdirib.         

                                                                                                                                
Cavanşir Qurbanov üzü nurlu, alicənab, təvazökar, sadə, səmimi, qayğıkeş, diqqətcil bir insandır. Tanıdıqlarının, çevrəsində olanların hər birinin xeyirində, matəmində bir böyük, ağsaqqal kimi yaxından iştirak edər, onların yanında olar, sevinclərinə şərik olar, dərdlərinə, hüzünlərinə ürəkdən acıyar, kədərlənər.


O, çox mətin, məğrur, mübariz adamdır. Lakin çox böyük, kövrək, incə, zərif ürəyə malikdir. Bir hadisə zamanı onun göz yaşlarını unuda bilmirəm. 2014-cü il yanvarın 6-da böyük şairimiz, XX əsr Azərbaycan Ədəbiyyatının klassiki Mikayıl Müşfiqin anım günü şairin Yasamal rayonu, İnşaatçılar prospektindəki abidəsi önündə tədbir zamanı dəyərli ziyalımız, jurnalist, Ədliyyə polkovniki Eldar Eyvazov əlini onun əlindən tutaraq dünyasını dəyişən zaman Cavanşir müəllimin necə kövrəldiyini, göz yaşlarını gördüm. Bu onun böyüklüyünün, sevdiyi insanlara məhəbbətinin, sədaqətinin, böyük ürəyə malik olmasının, onun içdən gələn qəlb çırpıntılarının təzahürü idi... Cavanşir müəllimin kiməsə səsinin ucaltdığınının şahidi olmamışam. Bu böyük insanın leksikonunda pislik, paxıllıq, qeybət, alçaltmaq, təhqir, süründürmək və s. kimi sözlərə və əməllərə rast gəlmək mümkün deyildir. O, sanki həyata yaxşılıq etmək, sevmək, hörmət və ehtiram göstərmək üçün dünyaya gəlib. O, daim böyüklə böyük, kiçiklə kiçik kimi davranıb, hörmət, izzət sahibi olub.


Cavanşir Qurbanov xalqını, millətini dövlətini, dövlətçiliyini sevən layiqli Vətən oğludur. O, təkcə bir idmançı kimi Azərbaycan güləşini dünyaya tanıtdırmaqla kifayətlənməyib. O, iqtidara, respublika Prezidentinə sədaqətliyi ilə də seçilib. Yaxşı yadımdadır, o daim hələ Ulu Öndər Heydər Əliyevin rəhbərliyi dövründən bu günə qədər Prezident, Milli Məclis, bələdiyyə seçkilərində, Referendumlarda iqtidarın, dövlətçiliyin mövqeyindən çıxış edərək Yasamal və Xızı rayonlarında xüsusi fəallıq göstərib. Bu tale yüklü, dövlətçilik ücün mühim olan tarixi proseslərdə mən də Cavanşir müəllimin yanında olmuş, çiyin-çiyinə öz vətəndaşlıq borcumuzu yerinə yetirmişik.


Cavanşir Qurbanov çox sevilən pedaqoqdur. Uzun müddət ayrı-ayrı təhsil ocaqlarında müəllimlik fəaliyyəti göstərərək, yeni-yeni gənc kadrların yetişməsinə öz əməli töhfəsini verib. O, həm də çox sevilən ailə başçısı, həyat yoldaşı, ata, baba, qardaş, qayınata, qohum, dostdur. Belə bir böyük ürəkli, saf qəlbli insanla yaxın olmaq Allah-təalanın bizə bəxş etdiyi nemətdir desəm, yəqin ki, yanılmaram.


Ötən il bir qrup ziyalı Cavanşir Qurbanovu yekdilliklə Cabir Novruzov Mədəniyyət fondunun Prezidenti vəzifəsinə seçib. O vaxtdan etibarən, Fond çox böyük işlərə, layihələrə imza atıb. Mənim üçün də çox xoşdur ki, Cavanşir Qurbanovun rəhbərlik etdiyi Cabir Novruz Mədəniyyət Fondu idarə şurasının üzvüyəm. Həmçinin, 2016-cı il dekabr ayının 11-də Cavanşir Qurbanov Cabir Novruz Mədəniyyət Fondunun Prezidenti kimi Fondun Diplomunu mənə təntənəli olaraq təqdim etmişdir. Bu mənim həyatımda ən yadda qalan hadisələrdən birinə çevrilmişdir. Mübaliğəsiz deyə bilərəm ki, Cavanşir müəllimlə birgə işbirliyində olmaq, adi söhbət etmək mənə xüsusi zövq verir. Çünki o, həqiqətən, ensiklopedik biliyə malik hörmət edilən el ağsaqqalı, sözün əsl mənasında dəyərli ziyalı, sevilən pedaqoq, məşhur idmançıdır. Gözəl, mehriban dostdur.


Bu il Cavanşir Qurbanovun həyatında çox əlamətdar, hamıya qismət ola bilməyən hadisə baş verdi. O, müqəddəs Həcc ziyarətinə getdi. Müqəddəs Kəbəni və digər ocaqları ziyarət etdi. Vətənə Hacı olaraq qayıtdı. Bu Ulu Yaradanın Cavanşir müəllimə onun xoş, saf, pak, xeyirxah əməllərinə görə verdiyi mükafatdır., desəm yanılmaram. Məncə, elə Cavanşıir müəllim kimi insanların Həcc ziyarəti daha doğrudur. Çünki məhz onun kimi insanlar sidqi ürəkdən dinə, imana bağlı olan sevilən bəndələrdir.

İdman sahəsində qazandığı uğurlar Cavanşir Qurbanovun həyatının ən yadda qalan hadisələridir. O zamanlar Ordu idman klubunda sərbəst güləşlə məşğul olan Cavanşir Qurbanov dəfələrlə Bakı və respublika çempionu, bir neçə beynəlxalq yarışın qalibi və mükafatçısı olmuşdur. 1968-ci ildə “SSRİ idman ustası” adına layiq görülmüşdür. 1969-1972-ci illərdə Bakı xalq maarif şöbəsinin güləş məktəbində məşqçi, 1972-1990-cı illərdə həmin məktəbin direktoru olmuşdur. 1990-1991-ci illərdə Ehtiyat əmək Qüvvələri idman cəmiyyətinin Bakı şəhər şurasının sədr müavini, 1№li ETK-nın idman sarayının direktoru vəzifələrində çalışmışdır. 1995-ci ildə Azərbaycan Sərbəst və Yunan –Roma Güləş Federasiyasının Vitse-Prezidenti seçilmişdir. Ümumittifaq dərəcəli hakim kimi respublikamızı layiqincə təmsil etmişdir.

Hazırda Elm və Təhsil Mərkəzi “Təfəkkür” Universitetinin bədən tərbiyəsi və idman kafedrasının müdiri, professordur.


Cavanşir Qurbanov ömrün müdrik yaşına qədəm qoyur. 70 yaşınız mübarək əzizim Cavanşir müəllim. Siz ağsaqqallığın, şöhrətin zirvəsində inamla irəliləyirsiniz 100 yaşa doğru. Həyatda o insan xoşbəxtdir ki, o tək deyil. Sizin ətrafınızda gözəl, monalit ailəniz, dostlar, qohumlar, ən başlıcası isə çox sevdiyiniz el camaatınız var. Sizi sevir, hörmət edirlər. Bu da Allahın sizə bəxş etdiyi nemət, sərvətdir. Siz sözün əsl mənasında ağsaqqalsınız. Bunu təkcə bəyaz saçlarınız olduğuna görə demirəm. Siz ağsaqqal adını qazanıb, haqq etmisiz. Allah bu ziyalı, ağsaqqal işığını bizə çox görməsin .


Şanlı 70 yaşınız mübarək əziz, hörmətli, dəyərli Cavanşir müəllim, Sizə möhkəm can sağlığı, uzun ömür, xalqımız, dövlətimiz, elimiz üçün daha böyük işlər arzulayıram.

Yəqin ki, bu sevincli yubiley günlərində üzünüzü əzizlərinizə, doğmalarınıza, dost-tanışlarınıza, idmançı dostlarınıza tutub, xalq şairi, İstiqlal carçısı Süleyman Rüstəmin təbirilə söyləyəcəksiniz.   


İllər öz işini görsə də nə qəm,
Yorulmaz yolçusu bu uzun yolun.
Bilirəm titrəməz əlimdə qələm,       
Siz bu Cavanşıirdən arxayın olun.

 

Qocalıq sözü yaraşmır mənə,    
İdmançı adından, canından pozun.
Sizinlə əl-ələ yoldayam yenə,        
Sıfırı yeddinin yanından pozun.     


Ürəkdən gələn sözləri qələmə aldı     


Qafar Əsgərzadə
Əməkdar jurnalist,      
Pedaqogika üzrə fəlsəfə doktoru


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Tbilisidə Azərbaycanın Dövlət Müstəqilliyi Günü qeyd edildi
17.10.2018, 01:01

Tbilisidə Azərbaycanın Dövlət Müstəqilliyi Günü qeyd edildi

İşğal altındakı yurd yerlərimiz: Höçaz abidələri - Fotolar
17.10.2018, 00:43

İşğal altındakı yurd yerlərimiz: Höçaz abidələri - Fotolar

Bakıda IV Küçə yeməyi festivalı keçiriləcək
17.10.2018, 00:22

Bakıda IV Küçə yeməyi festivalı keçiriləcək

Uşaqlarınızı zəngin olması üçün öyrətməyin
17.10.2018, 00:10

Uşaqlarınızı zəngin olması üçün öyrətməyin

Jurnalistin ölümündə şübhəli bilinən baş konsul İstanbulu tərk etdi
16.10.2018, 23:57

Jurnalistin ölümündə şübhəli bilinən baş konsul İstanbulu tərk etdi

Mingəçevirli gənc bıçaqlandı
16.10.2018, 23:34

Mingəçevirli gənc bıçaqlandı

Azərbaycan nefti ucuzlaşdı
16.10.2018, 23:23

Azərbaycan nefti ucuzlaşdı

Azərbaycanın U-21 yığması Norveçlə oyunda qələbəni əldən verib
16.10.2018, 23:08

Azərbaycanın U-21 yığması Norveçlə oyunda qələbəni əldən verib

İranın neft ixracı kəskin azalıb
16.10.2018, 22:53

İranın neft ixracı kəskin azalıb

Sarkisyan hökumətin istefasını qəbul etdi
16.10.2018, 22:40

Sarkisyan hökumətin istefasını qəbul etdi

Gürcüstanda prezidentlik uğrunda 25 namizəd mübarizə aparacaq
16.10.2018, 22:21

Gürcüstanda prezidentlik uğrunda 25 namizəd mübarizə aparacaq

“Camal Kaşıkçı öldürülüb və parçalara ayrılıb” - CNN
16.10.2018, 22:04

“Camal Kaşıkçı öldürülüb və parçalara ayrılıb” - CNN

Nyu-Yorkda Azərbaycanın müstəqilliyinin bərpasının 27 illiyi qeyd edilib
16.10.2018, 21:52

Nyu-Yorkda Azərbaycanın müstəqilliyinin bərpasının 27 illiyi qeyd edilib

Silahlı Qüvvələrin Hərbi Akademiyasının Adyunkturasına qəbul başlayıb
16.10.2018, 21:41

Silahlı Qüvvələrin Hərbi Akademiyasının Adyunkturasına qəbul başlayıb

ABŞ-da təhsil almaq istəyənlərin NƏZƏRİNƏ!
16.10.2018, 21:31

ABŞ-da təhsil almaq istəyənlərin NƏZƏRİNƏ!

“Azərbaycanlı qızları müdafiə edin!” adlı aksiya keçirildi
16.10.2018, 21:14

“Azərbaycanlı qızları müdafiə edin!” adlı aksiya keçirildi

4 universitetdə FETÖ əməliyyatı
16.10.2018, 20:57

4 universitetdə FETÖ əməliyyatı

Elektron növbə sistemi layihəsinin təqdimatı keçirilib
16.10.2018, 20:44

Elektron növbə sistemi layihəsinin təqdimatı keçirilib

Ukraynada təyyarə qəzası: 2 əsgər öldü
16.10.2018, 20:27

Ukraynada təyyarə qəzası: 2 əsgər öldü

Əhalinin banklarda əmanəti 8 milyard manatı ötüb
16.10.2018, 20:14

Əhalinin banklarda əmanəti 8 milyard manatı ötüb

Nikol Paşinyan istefa verdi
16.10.2018, 20:09

Nikol Paşinyan istefa verdi

Prezident Xanlar Vəliyevin oğluna yüksək vəzifə verdi - SƏRƏNCAM
16.10.2018, 20:00

Prezident Xanlar Vəliyevin oğluna yüksək vəzifə verdi - SƏRƏNCAM

Üç nəfərə “Əməkdar artist” fəxri adı verildi
16.10.2018, 19:41

Üç nəfərə “Əməkdar artist” fəxri adı verildi

DTX-nın rəsmi “facebook” səhifəsi, “twitter” və “youtube” kanalları fəaliyyətə başlayıb
16.10.2018, 19:32

DTX-nın rəsmi “facebook” səhifəsi, “twitter” və “youtube” kanalları fəaliyyətə başlayıb

Dövlət büdcəsinin gəlir və xərcləri AÇIQLANDI
16.10.2018, 19:23

Dövlət büdcəsinin gəlir və xərcləri AÇIQLANDI

Badamdarda xırda uçqunlar və torpaq qopmaları baş verir - Qərargahdan AÇIQLAMA
16.10.2018, 19:14

Badamdarda xırda uçqunlar və torpaq qopmaları baş verir - Qərargahdan AÇIQLAMA

Nazirlikdən narazı şəhid ailələrinin birdəfəlik ödəmə ilə bağlı iddialarına CAVAB
16.10.2018, 19:05

Nazirlikdən narazı şəhid ailələrinin birdəfəlik ödəmə ilə bağlı iddialarına CAVAB

Mingəçevir Dövlət Dram Teatrının əməkdaşları təltif edilib - ADLAR
16.10.2018, 18:56

Mingəçevir Dövlət Dram Teatrının əməkdaşları təltif edilib - ADLAR

Dövlət başçısı onları mükafatlandırdı - SİYAHI
16.10.2018, 18:46

Dövlət başçısı onları mükafatlandırdı - SİYAHI

Xəzər Gəncəliyə “Əməkdar artist” fəxri adı verildi
16.10.2018, 18:35

Xəzər Gəncəliyə “Əməkdar artist” fəxri adı verildi

Prezident Sumqayıt Dövlət Dram Teatrının əməkdaşlarını təltif etdi - SİYAHI 
16.10.2018, 18:31

Prezident Sumqayıt Dövlət Dram Teatrının əməkdaşlarını təltif etdi - SİYAHI 

Azərbaycanın Poltava şəhərində fəxri konsulu təyin edildi
16.10.2018, 18:23

Azərbaycanın Poltava şəhərində fəxri konsulu təyin edildi

Azərbaycanın Mərakeşdəki səfiri dəyişdirildi - SƏRƏNCAM
16.10.2018, 18:21

Azərbaycanın Mərakeşdəki səfiri dəyişdirildi - SƏRƏNCAM

Azərbaycanın Avropa Şurası və NATO yanında yeni nümayəndələri təyin edildi - ADLAR   
16.10.2018, 18:16

Azərbaycanın Avropa Şurası və NATO yanında yeni nümayəndələri təyin edildi - ADLAR  

Heydər Əliyev Fondu Sankt-Peterburqdakı Nizami bağında bərpa işləri aparıb - FOTO
16.10.2018, 18:07

Heydər Əliyev Fondu Sankt-Peterburqdakı Nizami bağında bərpa işləri aparıb - FOTO

Prezident büdcədən 15,1 milyon manat ayırdı
16.10.2018, 17:50

Prezident büdcədən 15,1 milyon manat ayırdı

QHT Şurasının 10 illiyi ilə bağlı ictimai müzakirə keçirilib - FOTO
16.10.2018, 17:40

QHT Şurasının 10 illiyi ilə bağlı ictimai müzakirə keçirilib - FOTO

Deputat Adil Əliyev Avropada mükafatlandırıldı   
16.10.2018, 17:34

Deputat Adil Əliyev Avropada mükafatlandırıldı  

Komitə sədrləri Çinə gedirlər
16.10.2018, 17:29

Komitə sədrləri Çinə gedirlər

Bakcell 400-ə yaxın yeni 4G (LTE) baza stansiyası istifadəyə verəcək
16.10.2018, 17:27

Bakcell 400-ə yaxın yeni 4G (LTE) baza stansiyası istifadəyə verəcək

Etimad Əsədov dəfn olundu - FOTOLAR
16.10.2018, 17:20

Etimad Əsədov dəfn olundu - FOTOLAR

ABŞ-ın Yerevandakı səfiri Azərbaycan ərazilərinin işğal oluduğunu ETİRAF ETDİ
16.10.2018, 17:10

ABŞ-ın Yerevandakı səfiri Azərbaycan ərazilərinin işğal oluduğunu ETİRAF ETDİ

Bu günədək 126 min tondan çox pambıq yığılıb
16.10.2018, 17:03

Bu günədək 126 min tondan çox pambıq yığılıb

Manat və dolların sabahkı MƏZƏNNƏSİ
16.10.2018, 17:01

Manat və dolların sabahkı MƏZƏNNƏSİ

Bağça müdirinə cinayət işi açıldı - Müavini həbs olundu
16.10.2018, 16:49

Bağça müdirinə cinayət işi açıldı - Müavini həbs olundu

Eldar Əzizovdan Bakı Meriyasının Mətbuat xidmətinə yeni TƏYİNAT    
16.10.2018, 16:43

Eldar Əzizovdan Bakı Meriyasının Mətbuat xidmətinə yeni TƏYİNAT  

169 əcnəbi saxlanıldı 
16.10.2018, 16:40

169 əcnəbi saxlanıldı 

ADU-da konsert keçirilib - FOTO
16.10.2018, 16:34

ADU-da konsert keçirilib - FOTO

Məcburi köçkünlərin növbəti qəbulu keçirilib
16.10.2018, 16:27

Məcburi köçkünlərin növbəti qəbulu keçirilib

“Formula-1”in biletləri satışa çıxarıldı
16.10.2018, 15:55

“Formula-1”in biletləri satışa çıxarıldı

ARXİV